DEAR Noy Kulas,
Tawga lang ko og Pilar, taga northern Cebu, but naa na sa abroad nagpuyo for more than 20 years. I am married to a foreigner but I am working and a part-time businesswoman.
Before ko nibiya diha, naa koy boyfriend nga mao ang akong true love. Bisan naa na ko diri sa abroad, we still communicate secretly kay minyo na pud siya. Mag budget ko sa akong calls, but karon nga naa na ang internet communication, video calls and chat na mi. Nisamot ang among ka close. By the way, siya ang unang lalake nga nakahilabot nako not just once, but several times. In short, we are deeply in loved.
Bisan minyo na ko diri, siya lang gihapon ang gihandom sa akong kasingkasing.
Kaduha na ko makauli sa atoa. Kada uli nako, iya kong sugaton sa Manila ug adto mi mag stay og mga one week pangtambal sa among kamingaw sa usag usa. Lami na kaayo biyaan ang akong bana but buotan ra kaayo siya ug naa mi anak. Mauwaw kong mobiya without valid reason.
Karong bag-o, nagbuwag sila sa iyang asawa kay iyang nasakpan nga dunay lain. Sa iyang kasuko, gusto siyang moapas diri next year ug nihangyo siya nga makig divorce ko sa akong bana. Naglibog ko kay naluoy ko niya, maghilak pirme kon mag estorya mi. Frustrated kaayo siya kay wa siya magkuwang sa iyang pamilya. Unsay akong buhaton, Noy Kulas?
PILAR
Pil,
Niingon na man ka nga wa kay katarungan nga bungkagon ang imong kaminyuon tungod kay maayo ang kahimtang niini. Buotan ang imong bana ug duna moy mga anak. Ngano man tuod nga uyogon man ang barko? Wa usab mo magtukod og sand castle. Busa, ngano tuod nga imo mang bungkagon ang imong pagpuyo? Bisan tuod kon dunay liberal nga panghuna huna ang mga tawo sa abroad, but I am sure nga maapektuhan og maayo ang inyong mga anak kon kini mahitabo.
Mas maayo usab tingali nga manguha kag impormasyon sa laing mga tawo unsay side usab sa asawa. Kay basin siya sab ang hinungdan nganong ni dive ang kapikas sa lain. Basin dunay naka trigger nganong nag-ingon niana ang asawa kay sagad sa action sa tawo, duna man gyud nay triggers.
Pareho ra man sila, encourage him nga di dayon mokalas kon madala pag settle ang ilang conflict. Basin pa ma settlle, madala pag estorya. But don’t be part of the problem na. Tabangi pagpangitag solusyon.
NOY KULAS