SUPERBALITA CEBU

Ciar: Dan Sy Lopez Lights, Camera, Action!

Super ka!

Si Dan Sy Lopez unang nikulit og pangan dihang nidaug siya nga Best Actor sa 4th Sinegugma Cebuano Film Festival niadtong 2018 sa pelikulang “Bahandi” diin siya nidala sa papel nga mag-uuma nga biktima sa landslide ug nalubong-buhi sa lapok.

Dili na maihap ang mga pasidungog nga nadawat ni Lopez isip nominado sa pagka-best actor sa mga award-giving bodies sama sa 1st City Sports Club Cebu Film Festival 2019 (sa pelikulang “Picture Frame”), 14th Sinulog Short Film Festival 2018 (“Ang Katapusang Tindak”) ug isip Best Supporting Actor sa 16th Sinulog Short Film Festival 2020 (“Da Bayrus”).

Nigawas usab siya sa mga mainstream movie sa Manila sama sa pelikulang “Kasal” sa Star Cinema ug “Si Chedeng at si Apple” sa Cinema One.

“Sa Kasal kay classmate ko nilang Paulo Avelino ug Bea Alonzo sa high school. Samtang sa Chedeng nakauban ko sa biyahe sa bus ni Gloria Diaz. Naa ko sa iyang likod,” nagkatawang nagkanayon ang 28-anyos nga Cebuano ramp model-actor sa maong kasinatian.

Regular usab siya niadto sa ABS-CBN (Cebu) sama sa “Maayong Buntag Kapamilya” ug sa Cebu Catholic Television Network Channel 47 (CCTN) diin usa siya kanunay sa mga bida sa mga Lenten episode sa maong estasyon.

Si Lopez graduwado sa kursong nursing sa Southwestern University Phinma ug duna sad siyay basic course sa Culinary Arts apan mas gipili niyang alagaran ang masakiton niyang lola ug maoy halaran sa iyang gugma ug pag-alima ning panahon karon sa pakigbisog sa pandemya.

Dan Sy Lopez, Ssssuper Ka!

Kinsay naka-influenced nimo sa pag arte?

Grade 3 pa ko ganahan na jud ko moarte. Akong sundon kanang mga makit-an nako sa TV. Then pag-Grade 4 na-member ko sa Dramatics club sa among school. I also appeared in Noñoy Zuñiga music video.

Unsay most memorable movie project nimo?

Ang “Katapusang Tindak” ug “Bahandi.” Ang Katapusang Tindak memorable nako kay naay part sa film nga akong gi-shave-van akong buhok and first time nako ma-nominate as best actor. Ang “Bahandi” memorable siya kay dire ko nakadaug sa akong unang best actor award.

Nganong nag-shave man ka sa imong buhok?

Tungod sa sobra ka-depressed kay HIV positive man akong role. Originally, wala sa script ang maong scene. Ang nakahunahuna ato ang akong team ug ang director nga mag-shave ko sa akong hair. And ako as an actor game ra jud ko bisan unsa pay ipabuhat sa ako basta dili lang makadaut sa akong pagkatawo.

Kinsay imong mga favorite actor?

John Lloyd Cruz, Angel Locsin, Jodi Sta. Maria ug Christopher de Leon. Sa foreign silang Sandra Bullock, Vanessa Hudgens, Brad Pitt ug Dylan Minnette.

Unsay imong dream role?

Kanang deaf mute kay akong i-dedicate sa akong brother nga deaf and I think challenging kaayo ni nga role. Deaf akong kuya pero makasulti ra siya.

Unsay work sa imong parents?

Akong mom kay social worker. My dad was a chief engineer sa barko before he died in 2016 because of heart attack. Duha ra mi kabuok magsuon. Akong kuya ug ako.

How do you describe yourself?

Sweet and kind-hearted person.

Unsay imong hunahuna makabalik pa kaha ang film industry?

As of now lisud pa gyud kaayo but I know sooner or later mabalik ra gihapon sa normal ang tanan basta dili lang ta mawad-an og pagsalig kay ang kaluwasan naa ra gyud sa Kahitas-an.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph