SUPERBALITA CEBU

Barrita: Di mosunod sa quarantine protocol ipapriso

barrita

Tipik sa balaod

GIKAN sa Agusto 1 hangtod sa 3, ang Prevention, Rehabilitation, Order, Beautification and Enhancement (Probe) team sa kagamhnanan sa syudad sa Sugbo nakasikop og 1,122 ka mga quarantine violators. Apan gipangbuhian lang sila human pasayawa ug gipapangadye didto sa Plaza Independencia.

Lahi na ang mahitabo sa pagpatuman sugod karong Dominggo, Agusto 16, 2020, sa usa ka ordinansa nga magsilot niadtong di mosunod sa quarantine protocols samtang ang syudad sa Sugbo ubos sa bisan unsang community quarantine status. Ang syudad ubos sa general community quarantine (GCQ) hangtod sa Agusto 15.

Ang ordinansa, nga gipasar sa Cebu City Council niadtong Hunyo 26, gipangamahanan nila ni Cebu City Councilor Dave Tumulak, Raymond Alvin Garcia ug Phillip Zafra.

Sugod karong Agusto 16, ang masakpan nga GCQ violators multahan og P1,500 sa first offense, P3,000 sa second offense ug P5,000 sa third offense o priso sud sa 30 ka adlaw segun sa kabubut-on sa hukmanan.

Kadtong mga residente nga masakpan nga nakalapas sa kurintinas tangtangan sa ilang mga benepisyo o allowance sama sa financial assistance nga gihatag sa mga senior citizens ug tax amnesty sud sa duha ka tuig gikan sa pagpahamtang sa silot. Samtang rebukahon ang business permit o pasirad-an ang mga establisimento nga makalapas sa quarantine protocol.

Unsa man ang kinahanglang sundon atol sa community quarantine, ma enhanced community quarantine (ECQ) o GCQ?

Mao kini ang pagsul-ob sa face mask, 1.5 metros nga social distancing sa mga pangpublikong lugar ug sa mga commercial ug business establishments ug usa ka metro sa public ug private vehicles, pagsunod sa stay-at-home order ug pagsul-ob sa quarantine pass kon dunay sugo.

Gidili ang panggawas sa balay kon way quarantine pass, paggawas sa balay kon dunay stay-at-home order ug paggawas sa balay nga wa magsul-ob og face mask. Gidili usab ang pagsuroy-suroy, tinagsa o ma grupo man, sa mga pangpublikong lugar nga way mahinungdanon nga tuyo o exemption.

Gidili sab ang paggawas sa balay niadtong ubos sa home quarantine o self-quarantine sud sa gitagal nga panahon sa syudad o sa city health department. Gidili sab ang mga mass gatherings sama sa mga parties, pista ug ubang mga pundok-pundok, ang di pagsunod sa lagda sa social distancing, paggamit sa tampered o falsified quarantine pass ug di pagsunod sa mga awtoridad.

Ang mga health care providers, nagtrabaho sa information technology, business process outsourcing ug knowledge process outsourcing industry ug sa ubang mga establisimento nga gitugotan, exempted sa ordinansa basta makapakita sila sa ilang Professional Regulation Commission ID, company ID ug certificate of employment. (edbarrita@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph