SUPERBALITA CEBU

Aktibong kaso sa Covid midoble sa 10 ka adlaw

ANG aktibong mga kaso sa coronavirus sa Pilipinas nisaka ngadto sa 72,348 sa Miyerkules, Agusto 12, hapit modoble sa 35,569 ka aktibong mga kaso sa Agusto 2.

Sa iyang alas 4 sa hapon nga bulletin, ang Department of Health (DOH) nitaho usab sud sa usa lang ka adlaw og 93 nga nangamatay, nga nidala sa gidaghanon sa patay sa coronavirus disease 2019 (Covid-19) ngadto sa 2,404 sa nasod.

Sagad sa nangamatay, kun 49, nahitabo sa Hulyo, 30 sa Hunyo, usa sa Mayo. Mokabat lang 13 ang nahitabo sa Agusto.

Nitala usab og dugang 636 ka mga pasyente nga naulian kun naka recover sa sakit, nga nidala sa gidaghanon sa recoveries ngadto sa 68,997.

Ang ahensya nikompirmar sa dugang 4,444 ka bag-ong mga infection, nga nihatod sa kinatibuk-ang mga kaso ngadto sa 143,749.

Sa kinatibuk-ang gidaghanon, 72, 348 ang aktibo, nga nagpasabot nga kini mga pasyente nga naa sa mga ospital o mga pasilidad sa quarantine.

Ang 233 nga nagdoble gitangtang gikan sa kinatibuk-ang gidaghanon sa mga kaso.

Sa 4,444 ka dugang mga kaso sa Miyerkules, kapin sa katunga kun 2,618 ang gikan sa National Capital Region (NCR).

Mga lalawigan nga labing taas og gidaghanon sa mga kaso nagagikan sa Laguna nga dunay 233, Cavite dunay 277, 174 sa Rizal ug 129 sa Bulacan.

Sa mga nangamatay, ang 67 gikan sa Central Visayas, 16 gikan sa NCR, tulo gikan sa Zamboanga Peninsula, usa sa Calabarzon, ug tag duha gikan sa Bicol, Western Visayas ug Davao. (MVI sa Sunstar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph