SUPERBALITA CEBU

20 ka sundalo idestino sa Consolacion

GIPAABOT nga 20 ka mga sakop sa Armed Forces of the Philippines (AFP) ang idestino sa lungsod sa Consolacion karong semanaha alang sa pa patuman sa mas estrikto nga health protocol.

Mao kini ang gipahibalo ni Consolacion Mayor Joannes Alegado kagahapon, Agusto 12, pinaagi sa pag-post niini sa ilang opisyal nga municipal Facebook page.

Ang Consolacion nalakip sa tulo ka mga lugar ubos sa Probinsya sa Sugbo nga wa pa makalingkawas sa pagka general community quarantine (GCQ) zone.

Kini gumikan sa padayon nga pagsaka sa mga positibong kaso sa coronavirus disease 2019 (Covid-19).

Base sa datos nga nahipus sa Department of Health (DOH) sa Agusto 11, Marts, nakatala og 438 ka mga positibong kaso sa Covid-19 ang lungsod, apan 93 lang ang aktibo niini.

Hinuon, 316 na ang naayo sa sakit apn 29 na ang namatay.

Bisan sa natala nga nangaayo, naobserbahan sa mayor nga nag kompyansa na hinuon ang mga tawo ug wala na mosubay sa insakto nga health protocol.

Nakadawat usab siya sa reklamo sa mga barangay kapitan ug tanod nga dili na sila tuohan sa mga konstituwente niini ug nagpadayon sa pagpundok bisan gidili pa kini.

Matod ni Alegado nga sagad sa mga residente, mosubay lang sa protocol kon makakita og pulis.

Gibutyag ni Staff Sergeant Gemini Adalim sa Consolacion Police nga nakatala ang kapulisan og 81 ka violators sa Agusto 7 hangtod sa 12.

Sagad niini, wala magsul-ob og face mask, wala magsul-ob og helmet, nagpaangkas sa motor nga walay dala nga dokumento.

Duha ka mga pasyente nga nag positibo sa Covid-19 ang nadakpan human miikyas.

Kini ang hinungdan nga gihangyo niya si Colonel Jerry Borja ang nangulo sa AFP Cebu Task Force sa Agusto 5, Miyerkules, sa pagpakatap sa iyang sakop.

Pasiunang nipada og 9 ka personnel ang AFP sa Concolacion.

Samtang moabot ang laing 11 karong semanaha.

Nanghinaot si Alegado nga mahimong disiplinado ang mga konstituwente niini pinaagi sa pwersa sa AFP pagpitol sa mga malapason. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph