SUPERBALITA CEBU

Tagduma: Escario Central Hotel abli, wala gi-lockdown

TAGDUMALA sa Escario Central Hotel nitataw nga padayong ang ilang operasyon ug wa gi-lockdown, sumala sa press release nga nadawat sa Superbalita Cebu.

Sukwahi kini sa unang taho human nisuway og serve og closure order ang Cebu City Government niadtong Lunes sa gabii, Hulyo 11, 2020.

Ang closure order giluwatan sa Siyudad sa Sugbo human masuta sa contact tracing nga dunay upat nga giingong positibo sa Covid-19.

Ang closure order wa gidayon pag-serve human ang management niingon nga duna silay request sa Department of Health (DOH) nga sila i-accredit isip usa sa mga establisementong makapanawat og mga guest nga nanginahanglan og isolation.

Gipahibawo sa management sa hotel nga pabilin sila nga abli ug nagpadayon ang patigayon ug wa masirado.

“We are giving this official statement for the benefit of our valued in-house guests, our clients and to the medical workers who have stayed with us during this pandemic who cannot even go home to their families after their service at the Covid centers,” tipik sa pamahayag sa hotel sa Miyerkules, Agusto 12, 2020.

Matod sa hotel nga padayon silang nanawat og guests gikan sa mga ahensya sa kagamhanan kansang medical workers o guests nanginahanlan og kapuy-an ubos sa rekomendasyon sa DOH.

Ila usab nga gitrabaho ang accreditation sa DOH, dugang sa hotel.

Matod sa pamahayag nga kanunay silang nagsunod sa mga protocol nga gipatuman sa kagamhanan. “True to our values, Escario Central Hotel will always put first the safety and comfort of all our guests,” dugang sa pamahayag.

Ang Business Permit and Licensing Division, City Health Department ug City Disaster Risk Reduction Management Office (CDRRMO) mo-serve unta sa hotel og closure order niadtong Agusto 10 sa gabii human masuta nga dunay upat ka guests nga Covid-19 positive base sa ilang contact tracing.

Gihatagan og higayon sa Siyudad ang hotel management pagkuha sa accreditation mao nga wa una gi-serve ang closure order.

LOCKDOWN

Apan si Cebu City Health Officer Jeffrey Ibones, sa interview sa Superbalita Cebu, niingon nga gipaubos nila sa lockdown ang hotel.

Kini nagpasabot nga way makagawas ug makasulod sa hotel samtang gi-quarantine ang tanang mga tawo tungod sa presensya sa upat ka mga positibo sa Covid.

Siya niingon nga ang upat ka mga pasyente ilang gikuha gikan sa hotel ug gidala sa usa ka isolation center niadtong Martes sa buntag, Agusto 11.

Gipasabot ni Ibones nga kon ang hotel nagdawat og mga positive sa Covid, kinahanglan nga puro ra positive ang ilang dawaton.

Kon frontliners ra ang dawaton ug uban pa, kinahanglan puro ra negative, di mahimong sagulon kay kalapasan kini sa health protocol nga gilatid sa Inter-Agency Task Force (IATF).

Sa sayo pa, gibutyag ni Atty. Jareed Limquiaco, pangu sa BPLD, nga ang ilang katuyoan sa pag-adto sa hotel niadtong Lunes mao ang pagpatuman sa mando ni Cebu City Mayor Edgardo Labella, apan wa una nila gidayon. (BBT, REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph