SUPERBALITA DAVAO

Drug dealer nahay-ad

Hulagway kuha ni Edgar Fuerzas

COTABATO CITY -- Padayon gihapon ang hugot nga kampanya sa mga awtoridad batok sa gidiling druga human nga napatay ang usa ka drug dealer kinsa misukol atol anti-drug operation alas 6:15 sa buntag kagahapon, Miyerkules, Agosto 12.

Ang napatay giila nga si Abdulhamid Bandal alyas Ken, minyo, molupyo sa Sitio Kakar, Barangay Poblacion 8 sa nahisgutang dakbayan.

Gibutyag ni Philippine Drug Enforcement Agency (PDEA)-Barmm Director Juvinal Azurin nga milusad sila og drug buy-bust operation duol sa gipuy-an ni Bandal, pinaagi sa abag sa kapulisan ug sundalo.

Apan sa dihang gitunol na sa suspek ang shabu ngadto sa PDEA asset, nakamatikod kini nga mga awtoridad ang ka-transaksiyon, hinungdan nga mibunot og armas ug nakigpinusilay apan naunhan sa mga PDEA agents.

Nadala pa ang suspek ngadto sa Cotabato Regional and Medical Center (CRMC) apan gideklara siyang dead on arrival sa doktor.

Narekober gikan sa posisyon ni Bandal ang usa ka kalibre .45 nga pistola, cellphone, marked money, mga bala, magazine, apil na ang 50 gramos nga shabu nga nagkantidad P340,000 base sa drug market value ug mga personal nga kagamitan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph