USA ka local case ug duha ka locally stranded individuals (LSIs) and mga bag-ong kaso sa coronavirus disease (Covid-19) sa Cagayan de Oro human sila nagpositibo sa Sars-CoV-2, Martes, Agosto 11, 2020.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 192.
Ang ika-190 nga kaso usa ka 37-anyos nga babaye nga LSI gikan sa Lapu-Lapu City, Cebu ug residente sa Barangay Kauswagan. Matud ni City Health Office Epidemiologist Dr. Joselito Retuya, ang babaye usa ka misyonaryo.
Miabot siya sa Cagayan de Oro pinaagi sa pagbiyahe sa dagat Agosto 5 kuyog ang iyang igsoon nga babaye ug pag-umangkon. Gi-swab siya Agosto 10 ug ang resulta migawas nga positibo sa Agosto 11.
Ang babaye asymptomatic ug wala’y comorbidity. Nakita sa City Health Office ang duha ka close contacts sa babaye, iyang igsoon ug iyang pag-umangkon, pulos mga kaso nga gi-retag ug nagpositibo sa Covid-19.
Ang 37-anyos nga babaye ug ang iyang duha ka close contacts naa karon sa Temporary Treatment and Monitoring Facility.
Ang 191 nga kaso usa ka 39-anyos nga babaye nga LSI gikan sa Mandaue, Cebu ug residente sa Barangay Agusan. Miabot siya sa Cagayan de Oro Agosto 5 pinaagi sa pagbiyahe sa dagat.
Gi-swab siya Agosto 10 ug ang resulta migawas nga positibo sa Agosto 11.
Ang babaye asymptomatic ug wala’y comorbidity. Karon siya nagpabilin sa Temporary Treatment and Monitoring Facility.
Ang ika-192 nga kaso usa ka 73-anyos nga babaye nga residente sa Upper Carmen. Matud ni Retuya, ang babaye, kinsa adunay home address sa usa ka munisipyo sa Bukidnon, mibiyahe sa nahisgutang lugar kaniadtong Marso kauban ang iyang duha ka mga apo. Nibalik siya sa Cagayan de Oro sa Hulyo.
Ang 73-anyos nga babae nakasinati og hilanat Agosto 9 ug aduna syay ubo Agosto 10. Gidala siya sa JR Borja General Hospital kadlawon sa Agosto 11 human siya nakasinati og kalisod sa pagginhawa.
Gi-swab siya sa maong ospital kadlawon sa Agosto 11 ug migawas ang resulta nga positibo ala 1 sa hapon sa maong adlawa.
Apan pasado alas-12 sa udto namatay ang babae.
Ang 73-anyos nga babae gi-diagnose og acute respiratory failure type 1 secondary to community-acquired pneumonia. Ang iyang comorbidities mao ang chronic kidney disease secondary to hypertension ug diabetes mellitus nephropathy.
Ang patay'ng lawas sa babae, matud ni Retuya, gi-cremate mga alas-2 sa hapon Agosto 11.
Ang City Health Office naka-identify og 13 ka mga close contacts sa babae, lima kanila mga direct family contacts ug walo ang mga personahe sa JR Borja General Hospital. Sila karon anaa sa city isolation unit.
Ang Purok 5, Zone 10 B, Upper Carmen gipailalom sa localized focused containment.
Ang 73-anyos nga babae ang ikawalo nga kamatayon sa Covid-19 sa Cagayan de Oro ug ang ikaupat nga natala nga kamatayon sa Barangay Carmen.
Nakatala usab og tulo ka mga retagged cases ang City Health Office, duha niini ang duha ka mga close contacts sa ika-190 nga kaso.
Tanan nga mga gi-retag nga mga kaso anaa sa Temporary Treatment and Monitoring Facility.
Ang unang kaso usa ka 47-anyos nga lalaki nga Authorized Person Outside Resident (Apor) gikan sa Barangay Pardo, Cebu City. Matud ni Retuya, naa siya sa Cagayan de Oro tungod sa iyang trabaho.
Miabot ang lalaki sa Cagayan de Oro pinaagi sa eroplano Agosto 5. Gi-swab siya Agosto 10 ug ang resulta migawas nga positibo sa Agosto 11.
Ang lalaki asymptomatic ug wala'y comorbidity.
Ang ikaduha nga kaso nga gi-retag usa ka 41-anyos nga babaye nga misyonaryo, taga-Lapu-Lapu City, Cebu. Ang babae igsoon sa ika-190 nga kaso sa Cagayan de Oro.
Miabot siya sa Cagayan de Oro Agosto 5 pinaagi sa pagbiyahe sa dagat. Gi-swab siya Agosto 10 ug ang resulta migawas nga positibo sa Agosto 11.
Ang babaye asymptomatic ug wala’y comorbidity.
Ang ikatulo nga gi-retag nga kaso mao ang usa ka 4-anyos nga lalaki nga anak sa ikaduha nga kaso nga gi-retag ug ang pag-umangkon sa ika-190 nga kaso sa Cagayan de Oro. Ang home address sa bata nga lalake naa sa Lapu-Lapu City, Cebu.
Miabot siya sa Cagayan de Oro kaniadtong Agosto 5 pinaagi sa pagbiyahe sa dagat. Gi-swab siya Agosto 10 ug positibo ang resulta Agosto 11.
Samtang, ang Cagayan de Oro natala og tulo nga mga bag-ong pasyente nga Covid-positive nga gi-tag nga "recovered" human nagnegatibo ang resulta sa ilang repeat swab test sa Agosto 11.
Sa pagkakaron, ang kinatibuk-ang ihap sa mga Covid-positive patients nga naka-recover anaa na sa 118.
Ang mga na-recover mao ang usa ka 25-anyos nga lalaki nga LSI ug residente sa Barangay Bonbon; usa ka 19-anyos nga lalaki nga LSI ug residente sa Barangay Gusa; ug usa ka 34-anyos nga LSI ug residente sa Barangay Tumpagon.
Matud ni Acting City Health Officer Dr. Lorraine Nery, ang recovery rate sa Cagayan de Oro anaa sa 61.45 porsyento. Ang lungsod adunay 66 ka mga active cases, diin lima ang mga outpatients ug 61 ang mga ROFs/LSIs.