SUPERBALITA DAVAO

Nangumbira nagdala'g kagaw

COTABATO CITY -- Gisusi karon sa mga health doctors sa siyudad ang duha ka nurse nga posibleng local transmission sa coronavirus disease (Covid-19).

Mismo ang pamunoan sa Cotabato Regional and Medical Center (CRMC) of Office on Health Services maoy nanguna karon sa gilusad nga contact tracing sa mga nakahalubilo sa duha ka frontliners, subay sa pagkompirma ni Dr. Danda Juanday, administrator sa lokal nga panggamhanan sa dakbayan.

Target ang 30 ka mga tawo nga i-contact tracing human nga ang duruha mitambong og kumbira (kanduli) sa birthday.

Gawas niini, namalengke sab ug misimba sa mosque una nadiskobre nga nagpositibo sila sa sakit.

Gikonsidera karon nga local transmission ang kaso gumikan kay wa silay travel history sa mga high risk area ug supervisory lang ang ilang trabaho sa balay tambalanan.

Nakasinati sila og mga simtomas sa sakit apan anaa sa maayo nga kondisyon

sulod sa isolation center sa CRMC.

Tungod niini, giplano sa lokal nga panggamhanan nga ipatuman sa siyudad ang "No Movement Sunday" sa Agosto 16 ug nagpasidaan sa tanan nga mag-amping gyud aron malikay sa makamatay nga sakit pinaagi sa pagtuman sa mga health protocols.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph