TEMPORARYONG gipasira sa Philippine Sports Commission (PSC) ang duha nila ka mga pasilidad nga mao ang Rizal Memorial Sports Complex ug PhilSports Complex sugod kagahapon human nagpositibo sa coronavirus disease 2019 (Covid-19) ang usa ka staff.

Gi-lockdown ang duha ka mga pasilidad isip parti sa protocols kon naay trabahante nga magpositibo sa coronavirus.

Ang PSC mihimo pud og disinfection sa duha ka mga buhatan kagahapon.

“May we humbly advise all concerned that the Rizal Memorial Sports Complex in Manila and PhilSports Complex in Pasig shall be on complete lockdown from 12 August 2020, until further notice,” pamahayag sa PSC.

“This is part of the agency’s health security protocol, after a staff tested positive for Covid-19 in the recent round of RT-PCR testing.”

Si Mike Asuncion sa Philippine Amateur Baseball Association (PABA) ug BF Merren Pharmaceuticals mitabang sa PSC ug midala dayon og disinfection chemicals nga maoy gamiton sa PSC main building.

“We are thankful because they readily helped. We wanted to make sure that we do proper disinfection of the offices,” asoy ni PSC Executive Director Atty. Guillermo Iroy. Si Iroy mihatag sab og gibug-aton sa paningkamot sa mga national sports association (NSA) sama sa Philippine Swimming Inc. (PSI), Philippine Table Tennis Federation (PTTF), Pilipinas Sepak Takraw Association Inc, ug uban pa.

Kini nga mga NSA miamot og face masks, face shields, ug ubang supplies, para makatabang sa mga stranded athletes ug coaches ug PSC frontliners.

“Our NSAs have been very helpful this pandemic. We all just want to lift each other and help each other get through this pandemic,” batbat ni Iroy. / RSC