Dear Papa Joe,
Tawga lang ko og boy, hingkod na ang panuigon, nia nagpuyo sa Mandaue City. Minyo na ko ug produkto ko og pinaangkan.
Nagdako ko nga wa makauban akong amahan ug sa apuhan ra ko nag dako kay nagminyo man ang akong mama. Lately nibalik akong mama kay wala na sad sila sa iyang bana for almost 30 years. Ako gihapong gidawat ug last year, naila-ila nako akong amahan pero murag wa, bugnaw kaayo siya nako bisan liwat kaayo niya. Ang ako sad nga mga half nga igsuon wa ra sad.
Karon kay nahibaw-an nako nga namatay ang akong amahan sa Covid ug gilubong dayon sud sa 12 ka oras. Ang akong gisakitan kay wa gyud mi magkasuod ug na lain ko sa akong mga igsuon nga wa ko ingna. Ang ako pang amigo nagsulti nako nga condolence ug didto pa ko kabalo nga patay na diay akong papa. Angay pa ba ko mopaduol sa side sa akong amahan? Kay murag haw-ang man gud.
Palihug tambagi ko.
BOY
Boy,
Tagai lang sa og panahon imong mga igsuon nga madawat ka nila kay wa sad ta masayod sa kasuko ba ron sa imong mama nga nakaguba sad sa ilang pagpuyo sa una. Tagai og panahon nga maka realize sila nga wa kay labot sa mga hitabo.
Usa pa, basin nabusy lang gyud sila mao wa ka pahibaw-a. Pero ibutang nato nga wa silay paki nimo, ayaw pamugos. Huna-hunaa nga nagdako ka nga wa sila. So, ayaw pamugos. Huwata lang ang saktong oras.
PAPA JOE