ANG Cebu City Government pinaagi sa Technical Infrastracture Committee (TIC) mibalik sa massive clean-up sa sphagetti wires sa mga karsada sa dakbayan.
Si Konsehal Jerry Guardo, chairman sa TIC nipahibawo nga adunay 11 ka telecommunication companies ang nisuporta sa maong programa.
Matod ni Guardo nga aprobado na ni Mayor Edgardo Labella ang maong proyekto diin ilang target ang dead wires, tangled wires ug mga linya nga nagbitay.
Ang PLDT, Smart, Sun nigahin og 3 ka teams, 2 ka team sa Globe Telecom, 1 Veco, 1 Sky Cable, 1 CCTN, 1 Eastern Telecom, 1 Converge, ug 1 DPS-street lighting.
Si Felicito Josol, ang pangulo sa Street Lighting sa Department of Public Services, gitudlo ni Guardo nga overall team leader labot sa hiniusang clean-up sa mga wire nga dili na mapuslan.
Ang konsehal sa north district nga si Guardo nagkanayon mga ipahigayon ang subling paglusad sa maong programa nga iyang nasugdan niadtong tuig 2018 didto sa dalan Urgello sa Barangay Sambag-1 karong Lunes, Agusto 17, 2020.
Ang konsehal nagkanayon nga namalik na usab ang mga nagbitay nga wires sa kadalanan ug delikado kini sa mga motorista nga madiagrasyag ug dako . / PAC