ANG Regional Inter Agency Task Force (RIATF) nilibkas na granular lockdowns sa unom ka mga barangay sa dakbayan sa Sugbo sa Huwebes, Agusto 13, 2020.
Kini ang gipahibawo ni Atty. Ian Kenneth Lucero, pangulo sa secretariat sa RIATF atol sa gipahigayon nga virtual meeting kahagapon sa hapon, Agusto 13, 2020.
“In today’s virtual meeting, the Regional Inter-Agency Task Force - 7 for the Management of Emerging Infectious Diseases (RIATF7-MEID) concurred the lifting of granular lockdown in Sitio Eyha, Barangay Guadalupe; Balaga Drive to Sitio Cekalco, Barangay Labangon; Tuada Compound, Barangay Tisa; Sitio San Isidro, Barangay Quiot; Abellanosa Compound, Barangay Quiot; and C. Mina Extension, Barangay Mabolo, all in Cebu City taking into account the data on the compliance with the parameters/requirements on the lifting of the granular lockdown in the said areas,” padayag ni Lucero.
Gumikan niini, wa nay lugar sa dakbayan ang gipaubos sa lockdown duha ka adlaw sa di pa mapupos ang general community quarantine ( GCQ ) sa dakbayan.
Bisan pa niini, magpadayon ang naandan nga massive contact tracing. / PAC