SUPERBALITA CEBU

Face shield sa trabahoan gimando

BISAN kon wa pay giluwatan nga guidelines ang ulohang buhatan sa Department of Labor and Employment, apan padayon ang awhag sa Dole 7 sa mga kawani nga magsul-ob og face shield sa ilang buhatan sugod sa Sabado, Agusto 15, 2020.

Ang mando subay sa pamahayag ni Dole Secretary Silvestre Bello III niadtong Miyerklules, Agusto 12, nga sugod Agusto 15, di lang face mask ang gikinahanglan sa mga kawani, lakip na usab ang face shield.

Si Bello nakighinabi sa mga tigbalita atol sa usa ka event sa Antipolo City sa naasoy nga adlaw.

Dugang sa kalihim nga kon di tumanon sa kawani ang bag-ong health protocol, di siya pwede nga makasulod sa iyang trabahoan.

Gibutyag usab ni Bello nga ang mga employer nga di mosunod niini, mamahimong mapasakaan og kasong administratiba.

Ang Dole ,7 sa ilang bahin, wa pa makadawat og guidelines gikan sa ilang ulohang buhatan.

Matod ni Luchel Taniza, tigpamaba sa Dole 7, nga aduna silay gitahasan sa rehiyon nga maoy mo-coordinate sa ilang main office kabahin sa bag-ong health protocol.

Bisan kon wa pa silay guidelines kabahin niini, apan padayon nila nga giawhag ang mga kawani nga mag-face shield sugod karong Sabado.

“Mag-wait lang gyud mi sa guidelines. But we also have to be consistent with the pronouncement of the Secretary. As for the question kon unsay mahitabo if dili na masunod nga pronouncement, mao nay atong gihuwat, ang guidelines for that,” si Taniza pinaagi sa text message niini sa Superbalita Cebu.

Usa sa mga pangutana sa publiko kon kinsa ang monitoring agency niining mandatory face shield sa mga trabahoan.

Si Bello nibutyag usab nga nimando na usab ang Inter-Agency Task Force nga limitahan na ang indibidwal nga pwede sa smoking areas sa mga trabahoan.

Ang Department of Transportation (DOTr) unang miluwat og kamandoan nga nagkinahanglan na og face shield ang tanang sumasakay sa pampubliko nga sakyanan.

Magsugod ang no face shield, no ride policy karong Sabado, Agusto 15.

UYON

Mga lider sa negusyo sa Sugbo nagsuporta ning mao nga lakang sa Dole samtang ang Department of Health (DOH) nitakda sa suggested retail price (SRP) sa face shield sa tag P26 ngadto sa P50.

Apan, gusto sila nga ang Department of Trade and Industry (DTI) moduso sa local mass production aron mas barato ang pagpalit.

“Face shields have additional safety benefits and contributes a positive effect for the prevention of the spread of Covid. Since Cebu have been in general community quarantine since August 1 till now, we have seen much improvement in lowering of the cases and health care are loosening up lately. If the authorities deem it proper and a mus, then we will be asking everyone to support it for a safe

Cebu,” matod ni Felix Taguiam, Cebu Chamber of Commerce and Industry president.

Si Mandaue Chamber of Commerce and Industry president Steven Yu uyon sa kaepektibo sa face shield batok sa airborn nga kagaw sa Covid-19 labina kon ang dunay higayon nga ang social distancing wa gitugot.

“With our public transportation situation, it can be a viable tool to avoid transmission. Besides, a face shield can easily be made or customized. It should cost only P50 and the investment will be worth it,” siya niingon.

Si Yu niingon nga ang DTI modasig sa micro enterprises sa pagpanghimo og face shields aron maseguro nga dunay igong supply.

Siya niingon nga kon ang mga employer maoy moabaga sa pagpalit sa face shields, ang DTI kinahanglang motakda sa price ceiling sa tag P50m ug seguraduhon nga dunay igong supply sa merkado. / HBL, JOB


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph