SUPERBALITA CAGAYAN DE ORO

Oro, MisOr wala'y natalang bag-ong kaso sa Covid-19

WALA'Y natalang bag-ong kumpirmadong kaso sa coronavirus disease (Covid-19) ang Cagayan de Oro ug Misamis Oriental apan naay mga bag-ong naulian nga mga nagpositibong pasyente sa Covid-19.

Sa pagkakaron, ang kinatibuk-ang ihap sa mga Covid-19 sa Cagayan de Oro anaa pa gihapon sa 192.

Ang duha ka mga bag-ong Covid-positive nga mga pasyente nga naka-recover sa dakbayan mao ang usa ka 29-anyos nga lalaki nga Authorized Person Outside Residence (Apor) nga taga Barangay Iponan; ug 31-anyos nga lalaki nga locally stranded individuals (LSIs) nga gikan sa Mactan, Cebu ug residente sa Barangay Patag.

Ang ilang mga repeat swab test results migawas nga negatibo Agosto 12.

Ang kinatibuk-ang ihap sa mga naulian nga mga nagpositibong kaso sa Covid-19 sa Cagayan de Oro anaa na sa 120.

Nakatala usab ang City Health Office og upat ka mga recovered Covid-positive patients nga dili taga-Cagayan de Oro, duha niini gikan sa Misamis Oriental, usa sa Davao de Oro ug usa sa Lanao del Sur.

Ang duha nga taga Misamis Oriental mao ang usa ka 54-anyos nga babae nga LSI ug usa ka 62-anyos nga babae nga LSI. Ang taga Davao de Oro usa ka 39-anyos nga LSI, ug ang taga Lanao del Sur usa ka 25-anyos nga returning overseas Filipino worker (ROF).

Ang Cagayan de Oro naay 64 ka mga active cases, upat niini mga outpatients ug 60 mga ROFs/LSIs.

Samtang, wala'y mga kumpirmadong kaso sa Covid-19 ang natala sa Misamis Oriental sugod Agosto 11 hangtod Agosto 12. Mitala usab ang probinsya og tulo ka mga bag-ong recovered nga mga nagpositibo sa Covid-19.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph