Teen Romance: I don’t want to let this go

(Katapusan sa pito ka mga gula)

Nainteres ko sa new love ni Wilda. Nagkatawa siyang naghinugilon nako ani.

“Wa lang gyud nako mahibaw-i, Marlene, nga mas love ko ba diay siya kay ni Raul. Unsaon man gud, sa atong paghayiskol nakadayeg na man ko sa iyang kaguwapo. Now, akong nasuta nga usa lang diay ka pag-admire ang gibati ko kang Raul.”

“Nalipay gyud ko anang imong giingon, Wilds. You know, nahasol baya ko kay si Raul ang akon g love.”

“Forget it na ana, Mar.”

Mlipayon si Raul dihang gisultihan ko siya bahin sa lovelife ni Wilda anang pagka gabii nga namisita siya nako. Naghigda siya sa akong mga paa samtang nagyaka ko sa Bermuda grass sa among lawn.

Very romantic ang panahon kay full moon.

“Wa na tay angay hunahunaon pa, Mar. Maybe ang laki nga giingon ni Wilda mao gyud ang iyang destiny.”

“Korek gyud ka ana, Raul.”

Samtang very sweet gyud mi si Raul, gisudlay-sudlay ko sa akong mga tudlo ang iyang kulungon nga buhok. “Ako ba ang imong first love, Raul?”

Kalit lang mitungha sa akong hunahuna ang maong pangutana. Aw, si Raul man ang akong first love.

Mibangon si Raul. Iya kong giagbayan. “Yes, Marlene. You’re my first love.”

Gihagkan ko ni Raul sa lips. Mibawos sab kog hawok nya. Hugot ang among pagginaksanay. Unya gipahigda ko ni Raul. Nagkalawom na ang gabii niadtong tungora. Nanulod na sila si Mama ug Papa sa ilang kuwarto.

Wa ko kapugngi ang pag-agulo.

Usa ana ka buntag, nagkasabot mi si Raul nga mangaligo sa dagat. Sa hilit nga lugar mi mangaligo kay gidili pa baya ang pagkaligo ron sa dagat. Nagginukdanay mi sa pagsawom. Usahay maghinagkanay ug magginaksanay mi si Raul sa ilawom sa dagat.

Sa amo nang pagtunga, nakalingi mi sa lugar nga nahimutangan sa duha ka binuhat nga malipayon kaayong nagsinabligay sa tubig dagat. Kusog ang ilang mga katawa. Unya ang lalaki usahay mogakos sa babaye ug mohawok sa mga ngabil ani.

Nakapahiyom mi si Raul kay ang maong duha ka binuhat sila man si Wilda ug Roel.(KATAPUSAN)