Oro nakatala og 2 ka bag-ong kaso sa Covid-19, 3 recoveries

USA ka locally stranded individual (LSI) ug usa ka returning overseas Filipino worker (ROF) ang mga bag-ong kumpirmadong kaso sa coronavirus disease (Covid-19) sa Cagayan de Oro human sila nagpositibo sa Sars-CoV-2 Agosto 13, 2020.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 194.

Matud ni City Health Office Epidemiologist Dr. Joselito Retuya, ang duha ka mga bag-ong kaso sa Covid-19 nagpabilin sa Temporary Treatment and Monitoring Facility.

Ang ika-193 nga kaso usa ka 27 anyos nga babaye nga LSI gikan sa Sugbo ug residente sa Barangay Lapasan. Miabot siya sa Cagayan de Oro Agosto 5 pinaagi sa pagbiyahe sa dagat.

Ang babaye gi-swab Agosto 12 ug ang resulta migawas nga positibo sa Agosto 13. Siya asymptomatic ug wala’y comorbidity.

Giila sa City Health Office ang tulo ka close contacts sa babaye, silang tanan naa sa city isolation unit ug negatibo ang ilang resulta sa RT-PCR test.

Ang ika-194 nga kaso usa ka 44 anyos nga lalaki nga ROF ug residente sa Barangay Bonbon. Miabot siya sa NAIA Hulyo 30 diin siya gi-swab ug ang resulta migawas nga negatibo Agosto 5.

Matud ni Retuya, ang lalaki nagpabilin sa usa ka hotel sa Pasig City samtang nagpaabot sa resulta sa iyang swab test.

Miabot siya sa Cagayan de Oro pinaagi sa eroplano Agosto 8 ug gi-swab siya Agosto 12. Ang resulta migawas nga positibo Agosto 13.

Ang lalaki asymptomatic ug wala'y comorbidity.

Nakatala usab ang City Health Office og tulo ka mga bag-ong mga pasyente nga positibo sa Covid-19 nga naka-recover human ang ilang repeat swab test migawas nga negatibo.

Ang kinatibuk-ang ihap sa mga recovered nga coronavirus-positive nga mga pasyente anaa na sa 123.

Ang mga naka-recover mao ang usa ka 40 anyos nga babaye nga LSI gikan sa Malate, Maynila ug residente sa Barangay Puntod; usa ka 28 anyos nga lalaki nga LSI gikan sa Quezon City ug residente sa Barangay Carmen; ug usa ka 32 anyos nga lalaki nga Authorized Person Outside Residence (Apor) ug residente sa Barangay Lumbia.

Si Acting City Health Officer Dr Lorraine Nery nagkanayon nga 82.5 porsyento o 160 nga mga ROFs ug LSIs ang naglangkob sa labing kadaghan sa mga positibo nga kaso sa Covid-19 sa Cagayan de Oro.

Ang 17.5 porsyento o 34 nga mga kaso ang gi-taggged nga local transmission.

Sa 160 nga Covid-positive nga mga ROFs/LSIs, 101 niini ang naka-recover sa virus ug 59 ang nagpadayon pa sa ilang mandatory quarantine sa Temporary Treatment and Monitoring Facility.

Lakip sa mga lokal nga kaso, upat ra nga mga pasyente ang naa sa mga city-run quarantine facilities, 22 ang mga naulian, ug walo ang namatay.

Sa pagkakaron, ang Cagayan de Oro adunay 63 nga mga active cases, upat niini ang mga outpatients ug 59 ang mga ROFs/LSIs.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph