SUPERBALITA CEBU

Libre, self-service bike repair station giabli sa Mandaue

TUNGOD daghan nang mga residente nga magbisikleta sa Dakbayan sa Mandaue, nagtukod ang kagamhanan sa Mandaue og Bicycle repair station niadtong Sabado, Agusto 15, 2020, ug nahiluna sa S.B. Cabahug St., Barangay Centro, Mandaue City luyo sa Mandaue City Hall.

Sa Facebook Live sa Mandaue City Public Information Office, gipakita sa abogado nga si John Eddu Ibañez, ang executive secretary ni Mandaue City Mayor Jonas Cortes, nga ang maong bicycle station abli 24/7 ug self-service kini.

Bisan paman nga self-service kini, anaa ang mga security sa maong station gikan sa JASSU nga mamahimong mo-assist sa mga magparepair.

Ang bicycle repair station duna kini hand pump nga gamiton aron sa pagpahangin sa ligid sa mga bisikleta nga na-flat.

Aduna sab kini bicycle rack nga didto ibutang ang bisikleta samtang gaayo ug gisab-it sa maong rack ang mga tools nga gamiton sa pag-repair sa bike.

Giawhag ni Ibañez ang mga Mandauehanon nga ampingan ang mga tools aron mas molungtad og dugay ang paggamit sa maong repair station.

Ang katuyoan sa maong repair station aron ang mga bisikleta nga gigamit sa mga residente kon sa panahon nga maguba kini dili na kinahanglan nga mangita og vulcanising shop para magparepair ug adto nalang sa Mandaue City Bicycle Repair Station tungod libre lang kini. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph