SUPERBALITA CAGAYAN DE ORO

3 ka bag-ong kaso sa Covid-19 sa Cagayan de Oro pulos LSIs

NAKATALA og tulo ka mga bag-ong kaso sa coronavirus disease-2019 (Covid-19) ang Cagayan de Oro human nagpositibo ang resulta sa swab test sa tulo ka mga locally stranded individuals (LSIs).

Sa pagkakaron, anaa na sa 197 ang kinatibuk-ang ihap sa kumpirmadong kaso sa Covid-19 sa dakbayan.

Ang ika-195 nga kaso usa ka 33-anyos nga babaye nga gikan sa Sugbo ug residente sa Barangay Kauswagan. Miabot siya sa Cagayan de Oro niadtong Agosto 8.

Gi-swab ang pasyente niadtong Agosto 13 ug pagka Agosto 14 nigawas ang resulta sa swab test niini nga positibo siya sa Covid-19. Asymptomatic ang pasyente ug wala’y laing sakit nga gihambin.

Ang ika-196 nga kaso usa ka 36-anyos nga babaye nga gikan sa Sugbo ug residente sa Barangay Lapasan. Miabot siya sa Cagayan de Oro kuyog ang iyang anak niadtong Agosto 8.

Gi-swab siya Agosto 13 ug nasuta nga positibo siya sa Covid-19 pagka Agosto 14. Asymptomatic ang pasyente ug wala’y laing sakit nga gihambin.

Adunay giila ang City Health Office og duha ka close contacts sa babaye. Usa kanila mao ang iyang anak nga nagpositibo sab sa maong sakit. Samtang, negatibo ang resulta sa swab test sa usa pa ka close contact.

Ang ika-197 nga kaso usa ka 14-anyos nga lalaki nga anak sa ika-196 nga pasyente. Usa siya ka LSI gikan sa Barangay 1, Cebu ug residente sa Barangay Lapasan.

Ang lalaki miabot sa Cagayan de Oro niadtong Agosto 8 kuyog ang iyang inahan. Gi-swab siya niadtong Agosto 13 ug pagka Agosto 14 nigawas ang resulta nga positibo siya sa Covid-19.

Gawas sa mga nagpositibo, nakatala usab ang City Health Office ug duha ka mga pasyente nga naayo na sa Covid-19 human nagnegatibo na ang resulta sa ilang repeat swab test niadtong Agosto 14.

Ang mga nakarecover nga mga pasyente mao ang 30-anyos nga lalaki nga LSI gikan sa Cubao ug residente sa Barangay Camaman-an ug usa ka 35-anyos nga babaye nga returning overseas Filipino worker (ROF) ug residente sa Barangay Carmen.

Matod ni Acting City Health Officer Dr. Lorraine Nery nga sa pagkakaron, ang Cagayan de Oro nga adunay 64 ka mga aktibong kaso ang dakbayan, upat niini mga outpatients ug 60 ang mga ROFs/LSIs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph