MIHAKOT og pito ka mga award ang Cebu Police Provincial Office (CPPO) atol sa pagsaulog sa ika 119th Police Service Anniversary niadtong Agusto 10, nga naghimo nilang dunay labing daghang nakuha nga pasidungog.
Si Police Colonel Roderick Mariano, hepe sa kapulisan sa probinsya, napili nga best senior police commissioned officer for administration.
Best junior police commissioned officer for operation usab si Police Lieutenant Colonel Randy Korret, hepe sa Provincial Intelligence Unit samtang si Police Master Sergeant Douglas Maravillas best senior non commissioned officer for operations.
Lakip sa nahatagan sa pasidungog mao si Police Senior Master Sergeant Rowena Santillan isip best senior police non-commissioned officer for administration.
Napili usab nga best provincial police office ang CPPO samtang ang Talisay City Police Station ug ang Tuburan maoy best component city police station ug best municipal police station.
Matod ni Mariano nga resulta kini sa ilang paningkamot ug pagpaduol sa kapulisan sa probinsya ngadto sa publiko nga nakita usab sa Police Regional Office (PRO) 7.
“Kung matatandaan ninyo, nag-ano tayo nung unang dumating ako dito na sinabi natin na we will engage the community. Kasi nga kailangan natin talaga na ibalik yung trust nung ating community sa ating kapulisan. Kaya during that time, kung mapapansin nyo, nag conduct tayo ng mga series of programs. Unang una yung ating limpyo estasyon na kailangan malinis yung atin. Hindi lang yung provincial office but pati yung ating police stations para mas lapitan pa sila at puntahan ng ating mga kababayan,”matod ni Mariano.
Hagit ni Mariano sa iyang mga personnel nga magpadayon sa ilang kakugi sa trabaho bisan kon adunay coronavirus nga naghulga sa ilang panerbisyo.
Ang gihatag nga pasidungog maoy magdasig sa ilang paghatag og proteksyon sa ilang mga residente. (AYB)