SUPERBALITA CEBU

Bello: makapanigarilyo, apan magtinagsa lang

BISAN kon gitan-aw ang smoking areas sa mga trabahoan nga mga dapit diin mas dali ang pagpanakod sa kagaw, ang Department of Labor and Employment (DOLE) wa magtuo nga gikinahanglan ang pag-ban sa pagpanigarilyo sa mga balay patigayon.

Sa usa ka pamahayag, si Labor Secretary Silvestre Bello III niangkon nga siya ang nisupak sa giduso nga smoking ban sa trabahoan sa Inter-Agency Task Force for the Management of Emerging Infectious Diseases (IATF-MEID).

“My job is to protect and preserve employment. To achieve that, I help shops to stay in business,” matod ni Bello.

“We can’t ban smoking because it will adversely affect the tobacco industry,” siya nidugang.

Matod ni Bello nga iyang gipanalipdan ang industriya sa tabako nga nag-remit sa kagamhanan og P145 bilyunes sa excise tax matag tuig samtang nagpatrabaho og 2.5 million ka mga trabahanteng Pinoy.

“If we ban smoking, those figures will be severely affected,” matod ni Bello.

Isip resulta sa position sa Dole kalabot ning butanga, ang supplemental guidelines sa prevention ug control alang sa Covid-19 sa mga trabahoan nagtugot gihapon sa pagpanigarilyo apan magtinagsa sa designated smoking areas.

“We can smoke in smoking areas. But the condition is one smoker at a time,” matod ni Bello.

Gawas sa estriktong pag-regulate sa pagpanigarilyo, si Bello sa sayo pa niingon nga ang supplemental guidelines naglatid usab sa panginahanglan sa mga trabahante sa pagsul-ob og face shields ug face masks sa trabahoan.

Nagmando usab kini alang sa naandang pag-agos sa hangin (pagbukas sa mga bentana, pagbukas sa pultahan, pagpawong sa air-conditioning units aron sa pagpaminos sa pagbalikbalik sa hangin) gidasig pag-ayo sa mga trabahoan. (HDT sa SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph