WALA mawagtangi og paglaom ang Sugbuanong marathoner nga si Mary Joy Tabal sa iyang pangandoy nga makasulod og balik sa Olympics bisan pa man sa pagkakanselar sa qualifying tournaments tungod sa hulga sa coronavirus disease 2019 (Covid-19).
Matod sa 31 anyos nga Olympian nga padayon siyang nangandoy nga maka-qualify sa Tokyo Olympics sa sunod tuig.
Ang Tokyo Olympics gikatakda unta sa Hulyo-Agosto, 2020 apan gisibog kini sa 2021 tungod sa epekto sa pandemiya sa tibuok kalibutan.
“Tuloy lang ang laban, tuloy lang ang buhay kahit pa may pandemic ngayon. We just have to stay home, stay safe and stay active for now,” matod ni Tabal sa 7th “Usapang Sports on Air” nga gidumala sa Tabloids Organization in Philippine Sports (Tops) pinaagi sa Zoom Conference.
“To qualify for another Olympics is really a privilege for me. It’s always a big honor to represent the country again. Medyo hindi naging maganda yu’ng naging performance ko last time, but I was there. The Olympics helped me become a better athlete, a better person. It is an inspiration for me to keep going on my career,” dugang ni Tabal.
Si Tabal maoy unang Pinay marathoner nga nakasulod sa Olympics niadtong 2016 sa Rio, Brazil.
Siya nihuman sa 42-kilometer nga lumba nga ana sa 124th nga puwesto. Ang lumad nga taga Brgy. Guba, bukirang dapita sa siyudad sa Sugbo, naglantaw na karon sa iyang mga lumba sa 2021 human ma-cancel ang tanan niyang international races sa tuig 2020.
“Last year -- 2019 -- was a disappointing year for me. But it gave me a new challenge. And I am really very motivated to go into 2020. I am fighting back this year with better plans. But then Covid-19 happened. All my races have been postponed and then cancelled. Pati Tokyo Olympics. Kaya binago ko yun plans ko,” matod ni Tabal.
Aron makasulod sa Olympics, kinahanglang makakuha si Tabal og Olympic points pinaagi sa pag-apil sa Olympic qualifying races.
Nanghinaot siya nga ma-extend ang qualifying window kay nasibog man ang Tokyo Olympics.