SUPERBALITA CEBU

Lonzon: Cebu City padung na sa M-GCQ

Mata sa agila

SA WALA pa gipahibalo sa Malacañang nga ang paglugway sa general community quarantine (GCQ) sa Cebu City ngadto sa Agusto 31 gikan sa Agusto 16, sila si Mayor Edgar Labella ug Brig. General Ignatius Ferro, direktor sa Police Regional Office ( PRO- 7), daan nang namahayag nga maayong magpabilin una sa GCQ.

Sakto ang rason nila ni Labella ug Ferro. Dili pa andam aron ibutang sa modified general community quarantine (MGCQ) ang siyudad.

Duna gyud silay pagpakabana sa panglawas sa katawhan batok sa coronavirus disease 2019 (Covid-19). Naleksyon sa hitabo sa dihang gibalik ang Cebu City sa enhanced community qurantine (ECQ) gikan sa GCQ.

Way lalis nga kuwalipikado na ang siyudad alang sa MGCQ ug gilaumang ipatuman kini sa Septiyembre 1-15.

MENSAHE NI DAVIDE

Nindota ang mga pulong nga giluwatan ni Bise Gob. Hilario Davide III, sa probinsya sa Sugbo nga puno sa mga pulong sa Diyos.

Kini maoy akong nadungog sa giluwatang pamahayag ni Davide atol sa 451st Founding Anniversary sa Cebu Province.

Sa mga pagsuway nga atong nasugatan sama sa mga katalagman ug mga sakit nakalingkawas ang katawhan tungod sa mga pag-ampo sa Diyos.

Ang pasabot ni Davide nga pinaagi sa gahum sa Diyos, makalingkawas ang katawhan batok sa Covid-19.

Kini sama sa pag-igo sa Spanish flu niadtong 1918 nga daghan usab ang nangamatay sa Sugbo ug tungod sa hugot nga mga pag-ampo, nakabangon ang katawhan.

Si David usa ka ehemplo sa mga pulitiko nga pagka relihiyuso ug dunay kahadlok sa Diyos.

Gisulti usab sa bise gobernador sa maong anibersaryo nga dako ang iyang paglaom nga pinaagi sa atong hiniusang paningkamot.

Ubos sa liderato ni Gobernador Gwen Garcia, Kita magmadaugon dili lamang sa Covid-19 kon dili sa bisan unsang mga pagsuway nga moabot kanatong mga Sugboanon. (efrenlonzon71@gmail.com o text sa 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph