KON duna may most loyal Kapamilya fan ang ABS-CBN sa Cebu tingali wa nay makalupig pa sa Cebuana cutie nga si Kristelle Jane Ando.
High school pa lang siya na ang administrator ug presidente sa fans club sa aktres nga si Kathryn Bernardo sukad niadtong 2010 ug dayon sa fans club ni Joshua Garcia sukad niadtong 2015.
Gani, sa 21st birthday party celebration ni Joshua niadtong Oktubre 7, 2018 si Kristelle ang usa sa mga “rose dance” sa aktor sa tukar nga “Perfect” ni Ed Sheeran, ang themesong ni Joshua ug Julia Barretto sa dihang sila pa.
“Everytime moanhi si Kath sa Cebu never jud ko mawala. Then pag-college nako, mao say pagsikat ni Joshua. Ang head admin ni Kath sa Manila ang nag-refer sad sa akoa nga mag-admin for Joshua, mao to sila nang duha akong gi-handle,” paambit sa 23-anyos nga dalaga ug nagtrabaho na isip call center agent sa usa ka Business Process Outsourcing (BPO) company sa LapuLapu City.
“I go to Manila at my own expense. Pero daghan man kog kapuy-an didto. I have friends nga willing magpapuyo nako. Welcome sad ko sa family ni Joshua kay close na nako iyang papa ug lola. Same with Kathryn’s mom.”
Si Kristelle niangkon nga no boyfriend since birth kay ang iyang kalipay naa ra sa Kapamilya shows. Apan sukad nawa ang ABS-CBN maora sad siya nawad-an og uyab.
“For the first time wala nako mangita og TV unlike sa una. Although I still watch Showtime and ASAP thru IWant. Then motuo kag sa dili, during quarantine gibalik-balik nakog tan-aw halos tanang salida sa ABS-CBN. Mao man akong happiness gud,” kumpisal pa ni Kristelle sa Ssssuper Ka!
Asa man ka mas close kang Kathryn or Joshua?
Kang Joshua. Nakaadto nako sa ilang balay twice kadtong nag-rent pa lang sila og apartment. Mas daghan sad kog naadtoang shows ni Joshua like sa Bohol, Bacolod ug Pinamungajan. I remember when he said, “hindi daw puwede di n’ya ako makita kapag andito siya sa Cebu.” Haha...
Are you in favor of Julia for Joshua?
To be honest, no. But if that’s what makes him happy then so be it. As a fan, we are just here to support our idols.
What about Kathryn?
Happy sad ko kang Kath kay until now she appreciates my effort. Gipadad-an pa ko niya og planner nga dunay dedication nga, “Hi Kristelle, I know you’re such a smart lady, keep please on striving hard to achieve your ambition in life. Lovelots.”
Unsaon man na wala na may ABS-CBN?
Wala man gihapon sila nawala `cuz we can still watch their shows thru online. We can still see KathNiel sa ASAP. Si Joshua wala pa’y shows but I think ABS-CBN is cooking up something for Joshua and Julia. As far as I know they’re willing to stay and fight hangtod nga mabalik ang ABS-CBN.
Nihilak ka pagkawa sa ABS-CBN?
Grabe akong hilak as in maorag pila gyud to ka adlaw nakong gihilakan. Bata pa ko ABS-CBN na gyud akong namat-an hangtod nga nahimo kong fan girl ug president sa mga fans club.
No boyfriend since birth?
No boyfriend pa jud tawon. Haha... Dili man ko choosy. Duna may mga magparamdam. But I just enjoy being single. Nalingaw ra ko sa akong work and maybe because happy na ko sa akong life.
Kinsay imong showbiz crush?
RK Bagatsing. I find him appealing and pogi. Hahaha.. I met him once sa Minute to Win It taping.
Dugay na ka nag-work sa call center?
More than a year. Dakog tabang sa akoa ang call center kay makuha nako tanan nakong gusto sa fangirling. Maka-afford nako mobiyahe bisan asa unlike before nga nag-eskwela pa lang. Basin ma-rebook na nako akong plane ticket for Manila next month kay GCQ na man. Molaag na sad. Maybe I will visit Joshua again and his family. Haha...