Curfew hours sa Cotabato giusab

KIDAPAWAN CITY - Aprobado na sa kagamhanang probinsiyal ug sa Cotabato Inter-Agency Task Force (IATF-Cotabato) on Covid-19 ang kabag-ohan sa curfew hours sa probinsiya.

Kini ang gikompirma ni IATF-Cotabato Spokesman ug 2nd District Board Member Dr. Philbert Malaluan.

Ang curfew hour nga 9 sa gabii hangtud 5 sa buntag bag-ohon na sugod Agosto 20 gikan alas 12 sa tungang gabii hangtud alas 4 sa kaadlawon.

Nakigduyog ang lokal nga panggamhanan sa probinsiya sa mga business establishments susama sa barbeque stalls, balutan, restaurants, fastfoods, gyms ug uban pa nga sports facilities.

Kinahanglan nila ang taas nga oras aron dili mohagsa ang ilang negusyo pinaagi sa legal nga basehan aron masulbad ang ilang hangyo.

Sa mga dapit ilawom sa modified general community quarantine (MGCQ) mas praktikal ang paggamit og full helmet sa mga drayber ug angkas kaysa paggamit sa barrier.

Mas motaas sab ang posibilidad nga malikayan ang transmisyon sa kagaw kung mogamit sab og face shield gawas sa face mask sa mga pampublikong transportasyon sama sa tricycle ug multicab.