DEAR Papa Joe,
Babag ba ang kapobrehon sa tawo? Ako diay si Jenny, 30, usa ka single mom. Usa ra ko ka suluguon sa usa ka kompaniya as in round sa tanan.
Daghan ang moingon nga gwapa ko ug kusog daw ko og appeal ug di halata na ing ani ra ko kong mangarte lang. Usa ka supervisor ang nakagusto nako ug nipranka siya nga gusto ko niya pero way labot akong anak kon magdayon mi. Ako lang siyang sakay sakayan kay di man sad ko makatuo nga nakagusto gyud siya nako. Basin lawas lang iyang giapas diri nako.
Wa man ko magdahom nga makagusto siya kay matod pa niya na kon mahuman na kuno ang Covid mag check-in daw mi. Pero angkunon ko nga nakagusto ko niya pero mao lagi na, way labot akong anak. Unsa may angay nakong buhaton kay maayo unta ni siya kay may regular nga trabaho? Tambagi ko.
JENNY
Jenny,
Bisan makakita pa ka uo oportunidad niya, di gyud ka makasiguro nga kamo na gyud kon magdugay ba, labi pa nga naa gyuy uban diha nga naay laing tuyo, labi na single mom. Ang uban sayon sayunon lang. Imbis ihaw-as, ilubong man hinuon pag-ayo. Ingna siya, kon tinud-anay siya, ipa-ilaila sa ka sa iyang mga ginikanan ug sultihan sa tinuod nimong pagkatawo. Kay ang kuyaw, ihatag nasad ka sa imong lawas unya mabulyaso lang gihapon. Mao nga mas maayo makasiguro. Kana lang ug salamat
PAPA JOE
(para sa inyong tampo ipadala lang sa papajoesuperb@gmail.com)