USA ka local authorized person outside residence (Apor) ug duha ka returning overseas Filipino workers (ROFs) ang mga bag-ong kumpirmadong kaso sa coronavirus disease (Covid-19) sa Cagayan de Oro human sila nagpositibo sa Sars-CoV-2 Agosto 20.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 235.
Matud ni City Health Office Epidemiologist Dr. Joselito Retuya, ang duha ka mga ROFs gidala dayon sa city isolation unit pag-abot nila dakbayan.
Ang ika-233 nga kaso usa ka 28 anyos nga lalaki nga ROF. Matud ni Retuya nga ang tawo nagtrabaho isip seafarer.
Miabot siya sa Manila Port kaniadtong Agosto 3 ug gipalit sa Agosto 4. Nagpabilin siya sa usa ka hotel sa Mandaluyong samtang naghulat sa resulta sa iyang swab test nga negatibo.
Ang lalaki miabot sa Cagayan de Oro pinaagi sa eroplano Agosto 13. Matud ni Retuya, nakasinati siya og sipon gikan Agosto 17 hangtod 18.
Gi-swab siya Agosto 18 ug ang resulta migawas nga positibo sa Agosto 20.
Sa pagkakaron, ang 28 anyos nga lalaki asymptomatic ug karon nagpabilin sa Temporary Treatment and Monitoring Facility.
Ang ika-234 nga kaso usa ka 26 anyos nga babaye nga ROF gikan sa Asya. Miabot siya sa Manila Agosto 4 ug siya gi-swab.
Ang babaye nagpabilin sa usa ka apartment sa Las Piñas samtang naghulat sa resulta sa iyang swab test diin negatibo.
Miabot siya sa Cagayan de Oro pinaagi sa eroplano Agosto 13. Siya gi-swab Agosto 18 ug ang resulta migawas nga positibo sa Agosto 20.
Ang 26 anyos nga babaye asymptomatic ug gikatakda nga ibalhin sa Temporary Treatment and Monitoring Facility.
Ang ika-235 nga kaso usa ka 40 anyos nga babaye nga local Apor, residente sa usa ka gated community sa Barangay Lumbia.
Sumala ni Retuya, ang babaye nagpakita og flu-like symptoms Agosto 13, loss of taste sa Agosto 17 ug adunay siya anosmia o loss of smell sa Agosto 18.
Gi-swab siya Agosto 19 ug positibo ang resulta Agosto 20. Siya asymptomatic ug wala’y nahibal-an nga comorbidity.
Ang babaye gikatakda nga ibalhin sa Temporary Treatment and Monitoring Facility.
Giila sa City Health Office ang unom ka close contacts sa 40 anyos nga babaye, upat niini iyang mga household contacts ug ang duha mga workplace contacts.
Samtang ang dugang nga mga 15 ka mga close contacts nga nakit-an gi-verify pa sa pagkakaron.
Nakatala usab ang Cagayan de Oro og lima ka bag-ong mga pasyente nga nagpositibo sa Covid-19 nga gi-tag karon og "recovered" human nagnegatibo ang resulta sa ilang repeat swab Agosto 20.
Ang kinatibuk-ang ihap sa mga naayo nga mga pasyente sa Covid-19 sa syudad anaa na sa 150.
Ang mga naka-recover mao ang: usa ka 28 anyos nga lalaki nga locally stranded individual (LSI) gikan sa Puerto Galera, Mindoro ug residente sa Barangay Camaman-an; usa ka 48 anyos nga lalaki nga Apor ug residente sa Barangay Macasandig; usa ka 50 anyos nga babaye nga local case nga residente sa Barangay Macasandig; usa ka 21 anyos nga lalake nga local case nga residente sa Barangay Macasandig; ug usa ka 30 anyos nga babaye nga local case nga residente sa usa ka gated community sa Barangay Iponan.
Sa pagkakaron, ang Cagayan de Oro adunay 76 ka mga active cases, diin ang usa gi-admit sa Northern Mindanao Medical Center, unom ang mga outpatients ug 69 ang mga ROFs/LSIs.