Samtang nagka-anam og saka ang nabiktima sa Covid-19, ang mga siyentista sa tibuok kalibutan dubling nagtrabaho pangita og vaccine nga ika-bakuna.
Subo palandungon nga hangtod karon wa pa gayod kitay panlaban sa Covid-19 nga luwas ug epektibo nga ika dapat. Mataud-tauran pa kinit tungod sa kadaghang prosesong again ug experimentong pagabuhaton.
Sa pagkakaron angay panaminan ug sundon ang silingang nasud nga Vietnam kay hinay-hinay na nilang nabantog ang paspas nga pagkaylap ini bisag wa pay bakuna nga na diskubre.
Ilang sekrito, 80% sa ilang molupyo seryosong mituman sa mando sa ilang awtoridad maong ubay-ubay na sa ilang mga mamumuo ang nabalik na sa ilang mga trabahoan ug normal nga tulumanon unya hinay-hinay na sab og bangon balik ilang ekonomiya.
Diri sa ato, daghan pa gihapon ang nagbuot-buot og palusot maong padayon pa gihapon ang pagsaka sa takod ini.
Matod ni Dr. Willie Ong, ang kasagarang takod nahitabo sulod sa kaugalingong panimalay labi na niadtong pirming bisitahan (higala o paryente) kay wa may exempted sa mahimong ma-carrier ini. Pasabot nga kita tanan posibling nagdala-dala ini apan way hilanat o simtomas (asymptomatic) nga makita.
Ang uban natakdan kay mi apil og party, salo-salo, unya beso-beso og kukabildo nga wa mag mask maong ining lagpot sa laway, segurado ang takod.
Ang uban sab natakdan sa lugar nga sarado sama sa sakyanan, opisina o kwarto labi na kung de aircon kay ang hangin nagbalik-balik ra og tuyok maong mas maayo nga sa gawas ipahigayon ang mga kalihukan kay open air.
Puno ni Dr. Ong, kinahanglan Bantay Sarado kita tanan 24 oras kay mataudtauran pa ang paghimo sa bakuna. Ipadayon ang kanunay nga pagsul-ob sa limpyo nga mask, pag-distansiya (6 feet), hugas sa kamot, likay pahikap sa nawong, baba og ilong , kaon og masustansiyang pagkaon (utanon, prutas og lagutmon), inum og daghang tubig ug Bitamina C, D and Zinc, insaktong pag-ehersisyo, katulog og pahuway para motaas ang resistensiya.