SUPERBALITA DAVAO

Nag-viral nga way tiil naka-uyab og maanyag nga follower

DAVAO. Bisan sa apan sa panglawas, wala kini igsapayan sa usa ka follower diin miturok ang mga saha sa pagbati sa iyang dughan ngadto sa nag-viral nga TikToker nga walay mga tiil nga taga Davao de Oro. Sa hulagway, makita kining follower nga babaye nga nagdala pa og buwak ug mga cakes agi'g pagdalit sa kasadya ug pagminahalay sa ilang duha ka mga pagbati. (Hulagway gikan kang Dexter Visitacion)

DAVAO DE ORO -- Wa damha sa viral TikToker nga walay mga tiil nga makarelasyon sa maanyag nga follower nga karon nahimo niyang hinigugma ug gilauman nga makita sa personal karong umaabot nga bulan sa Disyembre ning kasamtangang tuig.

Si Diego Garcia, 24, ulitawo nagtrabaho isip office clerk sa Provincial Tourism sa Davao De Oro ug molupyo sa Purok 8, Barangay Mainit, Nabunturan, nagbutyag dihang nahinabi sa Superbalita Davao pinaagi sa selpon nga magtulo ka bulan na ang ilang relasyon sa iyang hinigugma nga usa ka freelance model nga ginganlan og Nikke Magracia, 24 anyos nga taga Malabon City, Manila.

Gisulti ni Diego nga follower niya ang maanyag nga dalaga nga kanunay'ng naga-like sa iyang mga video sa Facebook diin pinaagi sa social media, iya kining nakaila ug pormal nga nahimong girlfriend dihang gisugot siya niini niadtong, Mayo 5, 2020.

Si Diego gipakatawo nga walay mga tiil apan wa kini mahimong babag aron abton ang mga pangandoy sa kinabuhi uban sa giya sa iyang inahan nga suma pa maoy naghatag kaniya og inspirasyon aron maabot ang estado nga karon iyang nahimutangan.

Nag-viral ang mga gimugna niyang video, miabot og 8,000 ang mga subscribers diin sa YouTube miabot kini sa 6,000 ang mga followers.

Malaumon si Diego nga human ma-feature sa Tunay na Buhay sa GMA Kapuso Network ang iyang kinabuhi, matuman ang usa pa niya ka pangandoy nga mahimong artista ug makatrabaho sila Janine Gutierrez ug Maja Salvador sa usa ka horror ug love story nga pelikula.

Sa pagkakaron, gipangandaman ni Diego ang pag-abot sa iyang hinigugma nga si Nikke nga misaad nga makigkita kaniya sa personal dinhi ning probinsya karong umaabot nga bulan sa Disyembre bisan pa man kung dunay hulga sa coronavirus disease (Covid-19).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph