Coaches di uyon sa cebu 'bubble'

DILI uyon ang mga inila nga local basketball coaches nga sila si Mike Reyes sa Southwestern University Phinma Cobras ug Rommel Rasmo sa Sacred Heart School-Ateneo de Cebu (SHS-AdC) Magis Eagles sa “bubble” training camp para sa mga college ug high school player.

Matod sa champion coaches nga dili angayang irisgo ang kaluwasan ning panahuna nga padayon pang nagsagubang og pandemya ang tibuok kalibutan.

“Impossible ang bubble (dito sa Cebu), and why would we put ourselves at risk. Bakit pa. Wag na natin pahirapan ang sarili natin,” matod ni Reyes sa dihang gipangutana sa bubble topic sa Bleacher Talk Cebu.

“Yun nga sabi ni coach Mike (Reyes) bakit pa natin papahirapan sarili natin. Risky din ito,” sigon ni Rasmo.

Nabalita karon ang “Bubble” tungod sa isyu nga ang University of Sto. Tomas (UST) Growling Tigers ni coach Aldin Ayo nagpahigayon og training sa iyang hometown Sorsogon.

Ubos sa patakaran sa Inter-Agency Task Force for the Management of Emerging Infectious Disease (IATF), gidili pa ang pag-training sa mga basketball player puwera lang sa professional teams sa Philippine Basketball Association (PBA).

Si Reyes ug Rasmo maoy labing malampuson nga coaches sa Cebu Schools Athletic Foundation Inc. (Cesafi) sa miaging season human nila madala sa kampiyonato ang ilahang tagsatagsa ka team.

Nahatag ni Reyes ang unang men’s championship sa SWU-Phinma sulod sa lima ka mga tuig samtang si Rasmo mitunol sa SHS-AdC sa ilang unang titulo sukad niadtong 2016 season.

Matod ni Reyes nga samtang dili pa sila puwede makabalik sa training, iyang gitambagan ang iyang mga magduduwa nga magtutok lang una sa pagtungha.

Gipadayag nila ni Reyes ug Rasmo nga malipayon sila nga nagpabilin ang scholarships sa ilang mga magduduwa bisan nakanselar ang 2020 Cesafi Season tungod sa hulga sa coronavidrus disease 2019 (Covid-19).

“The players were able to retain their scholarships,” matod ni Reyes. “We are also waiting for the approval of the top management for their salary to start.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph