P92M gipalusot nga sigarilyo nasakmit

LAING minilyon nga balor sa smuggled nga sigarilyo ang nasakmit sa mga sakop sa Bureau of Customs (BOC) Port of Cebu niadtong Martes, Agusto 25, 2020.

Ang duha ka managlahing kargamento nga adunay P92 milyones nga balor sa gipalusot nga sigarilyo naabot sa pantalan sa Sugbo niadtong Agosto 19 ug naka-consign ngadto sa GRR Trading. Gideklara ang mga sulod sa duha ka container van nga mga payong, cabinet, lamesa, ug lingkuran.

“Apparently, the modus operandi of the importer is blatant misdeclaration,” sigon ni Jerry Arizabal, enforcement and security services-Port of Cebu District commander.

Sa pag-abot sa mga kargamento dali nga nimando si Arizabal og x-ray inspection human nagduda nga susama kini sa mga nasakmit nila nga smuggled nga sigarilyo.

Human nipakita og kadudahang kuha ang gipahigayong x-ray scanning, girekomenda ang pagpagawas sa Pre-Lodgement Control Orders ug nipahigayon og physical examination ang mga sakop sa Customs inubanan sa Philippine Coast Guard, Philippine Drug Enforcement Agency, ug Chamber of Customs Brockers Inc.-Cebu Chapter.

Sa unang container nakaplagan ang 900 ka master case sa “Jackpot” brand nga sigarilyo samtang 939 ka master case sa “Farstar” cigarettes ang nakita sa ikaduhang container.

Giluwatan og warrant of seizure and detention ang maong mga kargamento gumikan sa kalapasan sa Republic Act 10863 o ang Customs Modernization and Tarriff Act.

Matod ni Port of Cebu Acting District Collector Atty. Charlito Martin Mendoza nga kadtong mga importer nga mosupak sa balaod mamahimong pasakaan og kaso ug bakwion ang ilang accreditation, gawas pa kini sa pagsakmit sa ilang mga kargamento.

Niadtong Agosto 16, laing P54.6 milyones nga balor sa smuggled nga sigarilyo nga naka-consign sa susamang importer nga GRR Trading ang nasakmit sa BOC Port of Cebu.

Gideklara ang maong kargamento nga mga drawer, lamesa, cabinet, ug locker.

“This swift apprehension is the result of vigilance and close monitoring of our agents, coupled with x-ray inspection technology,” sigon ni Mendoza.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph