GIPALIG-ON sa Korte Suprema ang katungod sa katawhan batok sa di makatarunganon nga pagsiksik ug pagsakmit (unreasonable search and seizures) ug gipahinumdoman ang gobyerno sa pagsubay sa maong katungod sa gubat batok sa illegal nga drugas.
Sa boto nga 11-3 sa kaso nga People of the Philippines vs. Jerry Sapla (G.R. No. 244045, June 16, 2020), gideklarar sa Korte Suprema nga di balido ang warrantless police searches and seizures sa illegal nga drugas sa mga sakyanan basi sa usa lang ka “unverified anonymous tip.”
“Once and for all,” ang Korte Suprema niingon nga ang bisan unsang tip gikan sa wa magpaila nga tinubdan nga way verification sa kapulisan di mahimong legal basis sa usa ka “intrusive search” sa usa ka sakyanan alang sa illegal nga drugas.
“When the Constitution is disregarded, the battle against illegal drugs becomes a self-defeating and self-destructive enterprise. A battle waged against illegal drugs that tramples on the rights of the people is not a war on drugs; it is a war against the people,” matod sa Korte Suprema.
Nidugang pa kini, “The state’s steadfastness in eliminating the drug menace must be equally matched by its determination to uphold and defend the Constitution. This court will not sit idly by and allow the Constitution to be added to the mounting body count in the state’s war on illegal drugs.”
Ang desisyon, nga gisuwat ni Associate Justice Alfredo Benjamin Caguioa, nag-absuwelto ug nimando sa pagbuhi dayon ni Jerry Sapla nga nasikop sa usa ka police checkpoint samtang sakay sa usa ka jeepney niadtong Enero 10, 2014 sa Tabuk City, Kalinga province, sa paghupot sa upat ka bricks sa marijuana.
Gikonbikto siya sa Regional Trial Court Branch (RTC) 25 of Tabuk niadtong Enero sa 2017 ug gidasonan kini sa Court of Appeals sa Abril sa 2018.
Ang Regional Public Safety Battalion sa Tabuk niingon nga nakadawat sila’g anonymous phone call nga usa ka tawo nga nagsul-ob og fatigue nga karsones nagdala og marijuana sud sa usa ka sako’ng blue gikan sa Kalinga paingon sa Isabela. Gihimakak kini ni Sapla. Matod niya, ang sako nakit-an sa kapulisan tipon sa mga bagahe sa mga pasahero ug siya maoy gipili sa pagsikop sa tulo ka mga lalakeng pasahero nga nagsul-ob og karsones nga fatigue.
Matod pa sa Korte Suprema, “Does the mere reception of a text message from an anonymous person suffice to create probable cause that enables the authorities to conduct an extensive and intrusive search without a search warrant? The answer is a resounding no.” “A tip is considered hearsay no matter how reliable it may be.”
Dugang pa niini, “While the court recognizes the necessity of adopting a decisive stance against the scourge of illegal drugs, the eradication of illegal drugs in our society cannot be achieved by subverting the people’s constitutional right against unreasonable searches and seizures.”
“The Constitution does not allow the end to justify the means. Otherwise, in eradicating one societal disease, a deadlier and more sinister one is cultivated — the trampling of the people’s fundamental, inalienable rights,” matod sa Korte Suprema.
(edbarrita@gmail.com)