Talento: True hero

MAAYONG adlaw everybody!!! Ang kalinaw, kusog ug kalipay gikan sa Kahitas-an matagamtaman unta natong tanan luyo sa mga hagit ning kalibutan. Amen?

Ngilngig kaayo ang grabeng pagpangawkaw sa mga opisyales ug mga ahensya nga konektado sa transaksyon sa PhilHealth no? Dili ba kaha ni sila takigan sa ilang kadautan diin ang budget sa masakiton -- gisuyop sa ilang mga kaugalingong bulsa, igsuon.

Maka "grrrrrrrrrr" gayud huna-hunaon samtang sila nagpalami sa kwarta nga gibayran sa masa. Nagtuo ni silag walay gaba buh! Usa pod sa makaguol karon mao ang kagahig ulo sa kadaghanan.

Kahibalong adunay pandemya; nagsige'g latagaw sa kadalanan bisan walay mahinungdanong katuyoan. Wala na gani nag "social distancing;" wala pay sul-ob nga facial mask ug shield. Likayan gayud mog tuyu sa coronavirus???

Padayong nagataas ang ihap sa mga nangatay tungod sa covid-19. Wala gayud nasalba bisan ang mga datu sa ilang mga kwarta. Ang mga nars ug doktor, nangamatay man gani bisan mas may kaalam ug amping kaayo sila sa ilang mga panlawas, kita pa kaha nga mga pobre? Likayan gayud ta sa coronavirus??? Kuyaw!!!

Daghan kaayog nagpabrayt-brayt oi ug sige'g reklamo. Dili ba gayud mamahimong mag-ampo kita sa hilum aron molahutay ug magmalampuson sa giyera batok terorismo, pandemya, kurapsyon ug kapobrehon?

Kung wala kitay matabang, mas nindot seguro kung magpuyo na lamang kita mga kahigalaan. Tutoki ang pagpahimsog sa kalawasan sa atong pamilya, ug pagtigon bisan gamayng kwarta aron dili kita mamatay sa gutom nga gasiga ang mga mata.

Aduna akoy "faith" o "pagtuo" nga maplastar ra gayud kining tanan sa oras nga gitakda sa Kalangitan. Kung dili man karon -- awwww dili magrally pinalive kay dili kana ang solusyon. Gani, dungag ra na sa problema kay mokanap samot ang virus sa mga tapuk-tapok.

Have faith sa Ginoo ug sa Iyang mga plano kay Siya ra gayud ang tinuod nga makatabang ug makaluwas nato. Dili kita magpa "hero-hero" nga motubag sa panginahanglanon sa mga tawo. Sa komiks ra baya to si Darna o Superman ba kaha.

Ang tinuod nga "hero" mao katong adunay pagtuo sa Ginoo ug malasakit sa isig-katawo nga mosunod sa pamaagi sa malinawong pagkinabuhi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph