SUPERBALITA CAGAYAN DE ORO

Oro nakatala og 5 ka bag-ong kaso sa Covid-19, 4 recoveries

CAGAYAN DE ORO. Ang cluster Bayanihan nga bahin sa Purok 3 sa Barangay Gusa gipailalom sa localized focused containment human nagpositibo sa Covid-19 ang usa ka 47 anyos nga babae nga nagpuyo sa susamang lugar. (Hulagway gikan sa City Information Office)

DUHA ka lokal nga mga kaso, duha ka mga returning overseas Filipino workers (ROFs), ug usa ka locally stranded individual (LSI) ang mga bag-ong kumpirmadong kaso sa coronavirus disease (Covid-19) sa Cagayan de Oro human nagpositibo sa Sars-CoV-2 Agosto 27.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 276.

Matud ni City Health Office Epidemiologist Dr. Joselito Retuya, ang tanan nga mga kaso nga ROFs ug LSI gidala dayon sa city isolation unit pag-abot sa dakbayan.

Ang ika-272 nga kaso usa ka 54 anyos nga lalaki nga ROF gikan sa France ug residente sa Barangay Carmen. Miabot siya sa Ninoy Aquino International Airport (NAIA) kaniadtong Hulyo 17 diin siya gi-swab ug negatibo ang resulta.

Sumala ni Retuya, ang lalaki nagpabilin sa usa ka hotel sulod sa usa ka semana ug kaniadtong Hulyo 24, siya gi-rapid diagnostic test nga migawas usab nga negatibo.

Sa mao gihapong adlaw, gibalhin siya sa Mariners Home Dormitory sa Malate, Manila alang sa iyang training. Miagi siya sa iyang ikaduha nga rapid diagnostic test kaniadtong Hulyo 28 ug negatibo usab resulta.

Gibalhin siya sa laing dormitoryo ug nagpabilin gikan sa Hulyo 28 hangtod Agosto 20.

Ang 54 anyos nga lalaki nga miabot sa Cagayan de Oro pinaagi sa eroplano Agosto 21. Siya gi-swab Agosto 26 ug ang resulta migawas nga positibo sa Agosto 27.

Siya asymptomatic ug wala'y comorbidity. Gikatakda siya nga ibalhin sa Temporary Treatment and Monitoring Facility.

Ang ika-273 nga kaso usa ka 16 anyos nga lalaki nga LSI gikan sa Puerto Princesa ug residente sa Barangay Carmen. Miabot siya sa Cagayan de Oro pinaagi sa eroplano Agosto 21 ug siya gi-swab Agosto 26. Ang resulta migawas nga positibo sa Agosto 27.

Ang lalaki nagpakita ug mga simtomas sa virus Agosto 20, ingon ni Retuya. Wala siya'y comorbidity ug gikatakda nga ibalhin sa Temporary Treatment and Monitoring Facility.

Ang ika-274 nga kaso usa ka 29 anyos nga babaye nga ROF gikan sa Middle East ug residente sa Barangay Puntod. Miabot siya sa NAIA Agosto 5 diin siya gi-swab ug ang resulta migawas nga negatibo.

Ang babaye nagpabilin sa usa ka hotel sa Manila Agosto 5 hangtod Agosto 20. Miabot siya sa Cagayan de Oro pinaagi sa eroplano Agosto 21.

Gi-swab siya Agosto 26 ug positibo ang resulta sa Agosto 27. Siya asymptomatic ug wala'y comorbidity.

Nakita sa City Health Office ang usa ka close contact sa babaye.

Ang ika-275 nga kaso usa ka 47 anyos nga babaye nga residente sa Barangay Gusa nga karon gi-admit sa Northern Mindanao Medical Center (NMMC).

Ang babaye, matud ni NMMC medical specialist Dr. Bernard Rocha, adunay hilanat Agosto 20 ug kaniadtong Agosto 24, siya adunay hilanat, body malaise ug sakit sa pag-ihi.

Gi-admit siya sa usa ka pribadong ospital diin siya gi-diagnose og urinary tract infection (UTI). Ang iyang x-ray nga resulta nagpakita nga adunay usa siya'y community-acquired pneumonia.

Gi-swab siya sa giingon nga pribadong ospital Agosto 25 ug migawas nga positibo ang resulta sa Agosto 27. Siya gibalhin ug gi-admit sa NMMC.

Matud ni Rocha, gitambalan sa NMMC ang iyang community-acquired pneumonia ug ang iyang vital signs stable.

Nakita sa City Health Office ang 14 ka mga close family contacts sa 47 anyos nga babaye.

Ang cluster Bayanihan nga bahin sa Purok 3 sa Barangay Gusa gipailalom sa localized focused containment.

Ang ika-276 nga kaso usa ka 24 anyos nga babaye nga person deprived of liberty o usa ka detainee nga residente sa Sto. NiƱo, Barangay 31.

Matud ni Retuya, ang babaye nadakpan Agosto 5 ug gitanggong sa detensyon cell sa Agora. Gibalhin siya sa Macasandig sa wala pa siya gibutang sa usa ka holding area sa City Jail sa Lumbia.

Gi-swab siya Agosto 25 sa holding area sa city jail ug migawas nga positibo ang resulta sa Agosto 27.

Ang City Health Office nakatala usab og upat ka mga pasyente nga nagpositibo sa Covid-19 nga karon gi-tag nga "recovered" human migawas nga negatibo ang ilang repeat swab test sa Agosto 27.

Ang mga naka-recover mao ang: usa ka 52 anyos nga babaye nga LSI gikan sa Pasig ug residente sa Barangay Agusan; usa ka 40-anyos nga lalaki nga ROF gikan sa United States ug residente sa Barangay Iponan; usa ka 36-anyos nga babaye nga LSI gikan sa Sugbo ug residente sa Barangay Lapasan; ug usa ka 14anyos nga lalaki nga LSI gikan sa Sugbo ug residente sa Barangay Lapasan.

Ang Cagayan de Oro adunay 94 ka mga active cases, upat niini ang gi-admit sa NMMC, 18 ang mga outpatients, ug 72 ang mga ROFs/LSIs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph