GRABEH nga pagdayeg ug pagpasigarbo ang gihatag sa mga netizen ngadto kang Maja Salvador sa nagkalain-laing karakter nga iyang gipakita sa telebisyon man o pelikula.
Dugay na sab natong nanuntan ang career sa dalaga ug nakita sab nato ang growth sa iyang abilidad isip aktress.
Gikan niadtong bata-bata pa kini, diin nagsugod siya sa mga supporting roles sa mga serye nga naapilan.
Sama sa “It Might Be You” ug uban pa migawas sab kini sa variety show nga ASAP matag Dominggo hangtod nga nahimong host ug na-ila pa isip dance princess.
Nahimo usab siya nga reyna sa dance floor ug gawas niini may singing career pa siya nga gisugdan sa iyang super hit nga awit ang “Dahan Dahan” ug nakaduha ka album pa kini ang “Believe” ug “Maja In Love.”
Pero mas gitutokan ug gisundan ang iyang acting career mapa-bida man o semi-kontrabida.
Gipakita ni Maja ang nagkadaiyang emosyon sa nagkadaiyang papel nga iyang gidala sa telebisyon ug pelikula.
Nakahinumdom pa mo sa iyang episode nga “Regalo” sa programang “Maala-ala Mo Kaya” diin nahimo siyang nominado isip best single performance by an actress.
Nahimo siyang best supporting actress sa una niyang pelikula nga “Sukob,” usa ka horror film kauban si Kris Aquino.
Daghang mga bigating teleserye ang iyang naapilan diin bida na ang Maja Salvador ug nahimong inila sa katawhan, sama sa “Minsan Lang Kita Iibigin” kauban ni Coco Martin, kinsay makalimot sa “Ina Kapatid Anak” diin nakadaug siya isip best drama actress, ang mga kontrobersyal nga love affair series nga “The Legal Wife” ug “Bridges Of Love” ug ang dili makalimtan nga Ivy ug Lily nga karakter sa “Wildflower.”
Daghan na kaayo og napamatud-an ang Maja, mao nga ang mga netizen bilib gyud kaayo kaniya, Ay’g Saba!
* * *
Pauleen Luna gusto nga makatrabaho ug ma-interbyu ang Popstar Royalty nga si Sarah Geronimo-Guidicelli.
Miangkon usab ang Pauleen nga dugay na siyang Popster o fan ni Sarah, mao nga karon nga may morning talk show na kini ang “Chika BESH” kauban nilang Pokwang ug Ria Atayde, gusto ining mahinabi ang Mrs. ni Matteo Guidicelli sa ilang programa.
Daghan sab kaayo og mga rebelasyon ang Pauleen mahitungod kang Sarah kay nakauban sab niya kini sa usa pang-batang kontes niadto.
Basta sa karon mao gyud kini ang iyang gusto ug hinaut nga mahimong ma-interbyu ang Sarah Geronimo para mahimong matuman ug matinuod ang usa sa iyang mga damgo, Ay’g Saba!