ANG lamian nga mga pan nga kinaham sa mga taga lungsod sa New Bataan matilawan na unya sa mga molupyo sa Compostela, Davao de Oro sanglit ang PAMANA Bakeshop nga nagaluto sa di basta-bastang mga lamiang pan mag-abli na sa ikaduhang sangang (branch) bekeri nila sa Galenzoga Building, Purok 3, Crossing Gabi, Barangay Poblacion, Compostela karong Septyembre 8, 2020.

Ang PAMANA Bakeshop nagsugod niadtong Disyembre 8, 2018 sa Purok 1, Barangay Cabinuangan kung diin gisundan kini sa una nilang branch sa samang barangay niadtong Abril 8, 2019 nga gipanag-iyahan sa mag-asawang Victor ug Jonah Digal.

Gibutyag ni Victor nga sa unang adlaw sa ilang pagbukas sa mao nilang branch sa Compostela, manghatag sila og libreng 8 oz softdrinks sa mga customer nga mamalit og balor P20 sa bisan unsang klase sa tinapay.

Ug sa matag adlaw, ang PAMANA Bakeshop dunay papromo nga "4 plus 1" sa nagkalain-laing pan sama sa Star Bread, Monay, Ube de sal ug uban pa nga buot pasabot nga kung mopalit og upat ka pan dunay pakapin nga usa.

Mapalit sab matag-adaw sa maong bakeshop ang Malunggay de sal sa kandidad nga P2.

Ug nagahimo sab sila og lamiang cake alang sa tanang okasyon sa barato nga presyo.

Abli ang PAMANA Bakeshop gikan sa alas 5:00 sa buntag hangtud sa alas 7:00 sa gabii.