ANAA na sa 291 ang natalang kaso sa coronavirus disease (Covid-19) sa Cagayan de Oro human lima ka mga locally stranded individuals (LSIs), upat ka mga local cases, ug usa ka returning overseas Filipino worker (ROF) ang nagpositibo sa reverse transcription-polymerase chain reaction (RT-PCR) test.
Matud ni City Health Office Epidemiologist Dr. Joselito Retuya, ang tanang bag-ong LSIs ug ROF nga mga kaso gidala dayon sa city isolation unit pag-abot nila sa dakbayan.
Ang ika-282 nga kaso usa ka 23-anyos nga lalaki nga LSI gikan sa Manila ug residente sa Barangay Bugo. Miabot siya sa Cagayan de Oro pinaagi sa eroplano kaniadtong Agosto 22. Na-swab siya Agosto 27 ug ang resulta migawas nga positibo Agosto 29.
Ang lalaki asymptomatic ug wala'y comorbidity. Gikatakda nga ibalhin siya sa Temporary Treatment and Monitoring Facility.
Ang ika-283 nga kaso usa ka 21-anyos nga babaye nga LSI gikan sa Manila ug residente sa Barangay Lapasan. Miabot siya sa Cagayan de Oro pinaagi sa eroplano Agosto 22. Na-swab siya Agosto 27 ug positibo ang resulta sa Agosto 29.
Ang babaye asymptomatic ug wala'y comorbidity. Gikatakda nga ibalhin siya sa Temporary Treatment and Monitoring Facility.
Ang ika-284 nga kaso usa ka 42-anyos nga lalaki nga LSI gikan sa Cebu ug residente sa Barangay Patag. Miabot siya sa Cagayan de Oro pinaagi sa pagbiyahe sa kadagatan sa Agosto 22. Gi-swab siya Agosto 27 ug ang resulta migawas nga positibo sa Agosto 29.
Ang lalaki asymptomatic ug wala'y comorbidity. Gikatakda nga ibalhin siya sa Temporary Treatment and Monitoring Facility.
Ang ika-285 nga kaso usa ka 32-anyos nga lalaki nga ROF gikan sa Middle East. Ang lalaki gi-swab sa Cagayan de Oro Agosto 27 ug ang resulta migawas nga positibo sa Agosto 29.
Ang ika-286 nga kaso usa ka 58-anyos nga babaye nga residente sa usa ka gated area sa Barangay 31. Gi-swab siya Agosto 27 sa usa ka private testing center. Ang resulta migawas nga positibo Agosto 28.
Matud ni Retuya, ang babaye nagpakita og simtomas sugod Agosto 25. Wala siya’y comorbidity.
Ang ika-287 nga kaso usa ka 70-anyos nga lalaki nga residente sa Barangay Bayabas. Ang lalaki naay dry cough ug naglisod sa pagginhawa sa Agosto 25.
Gidala siya sa usa ka pribadong ospital Agosto 28 diin siya gi-swab. Ang resulta migawas nga positibo Agosto 29. Ang iyang mga comorbidities mao ang myocardial infarction ug asthma.
Ang lalaki gibalhin ug gi-admit sa Northern Mindanao Medical Center (NMMC) buntag sa Agosto 29. Apan namatay siya sa susamang adlaw.
Giila sa City Health Office ang 16 ka close contacts sa 70-anyos nga lalaki.
Ang ika-288 nga kaso usa ka 43-anyos nga babaye nga residente sa Barangay Bugo. Matud ni Retuya, ang babaye niadto sa usa ka dialysis center sa Cagayan de Oro Agosto 27.
Sa dialysis center, nagreklamo ang babaye og chest pain ug shortness of breath. Gidala siya sa NMMC pagkahuman sa iyang dialysis. Gi-swab siya sa hospital ug migawas nga positibo ang resulta sa Agosto 29.
Giila sa City Health Office ang 34 ka mga direct contacts, 16 niini mga miyembro sa pamilya ug 18 ang mga healthcare workers sa dialysis center.
Ang ika-289 nga kaso usa ka 26-anyos nga lalaki nga lokal nga Authorized Person Outside Residence (Apor) ug residente sa Barangay Patag. Ang lalaki, kinsa usa ka healthcare worker sa usa ka pribadong ospital, na-expose sa ika-255 nga Covid-positive case Agosto 22.
Ang ika-255 nga kaso usa ka 27-anyos nga babaye nga lokal nga Apor, usa ka healthcare worker, residente sa Upper Carmen.
Ang 26-anyos nga lalaki gipailalom sa strict home quarantine gikan sa Agosto 24 hangtod Agosot 30. Gi-swab siya Agosto 26 ug ang resulta migawas nga positibo sa Agosto 30.
Siya asymptomatic ug wala'y comorbidity. Karon, naa siya sa isolation unit sa pribadong ospital.
Nailhan sa City Health Office ang duha ka mga direct family contact sa lalaki ug ang iyang mga kauban nga healthcare worker.
Ang ika-290 nga kaso usa ka 45-anyos nga lalaki nga LSI gikan sa Manila ug residente sa Barangay Nazareth. Miabot siya sa Cagayan de Oro pinaagi sa eroplano Agosto 23.
Ang lalaki gi-swab Agosto 28 ug ang resulta migawas nga positibo sa Agosto 30. Siya asymptomatic ug wala’y comorbidity.
Ang ika-291 nga kaso usa ka 19-anyos nga babaye nga LSI gikan sa Manila ug residente sa Barangay Pagalungan. Miabot siya sa Cagayan de Oro pinaagi sa eroplano Agosto 22.
Ang babaye gi-swab Agosto 28 ug ang resulta migawas nga positibo sa Agosto 30. Siya asymptomatic ug wala’y comorbidity.
Matud ni Acting City Health Officer Dr. Lorraine Nery, ang Cagayan de Oro adunay 84 ka mga active cases, diin unom niini ang mga na-admit sa NMMC, 22 ang mga outpatients ug 56 ang mga ROFs/LSIs.