SUPERBALITA CEBU

GM Antonio naghari

GIPAKITA sa beteranong chess player nga si Joey Antonio kon unsa ang abilidad sa grandmaster human niya langkata ang titulo sa ikaupat nga hugna sa Jojo Dondon Super Blitz chess online tournament niadtong Agusto 30, 2020.

Si Antonio mitali og 61 puntos aron patigbabawan ang torneyo nga gi-organisar sa Cebu Executives and Professionals Chess Association (Cepca) ug gi-sponsoran ni US-based Cepca member Jojo Dondon.

Ang kanhi representante sa World Chess Olympiad nga si Antonio milabaw lang og duha ka puntos kang national master (NM) Zander Severino nga mitapos sa ikaduhang puwesto.

Ang varsity player sa Far Eastern University (FEU) nga si John Morazo mibulsa sa ikatulong dapit nga adunay 56 puntos samtang si NM Merben Roque ug Rommel Ganzon nitapos sa ikaupat ug ikalima nga mga puwesto nga adunay 54 ug 51 puntos.

Sila si Sherwin Tiu (50), Harison Maamo (41), Allan Pason (41), NM Edsel Montoya (41) ug Michael Joseph Pagaran (40) mao ang mikompleto sa Top 10 sa torneyo nga giapilan sa dul-an ka 300 ka chess players sa lichess.org.

Sa laing bahin, si NM Rogelio Enriquez Jr. midaog sa Mr. Anonymous All-Cepcanas/Ladies rapid tournament pinaagi sa tie-breaker.

Si Enriquez ug Antonio Cabilil nagtabla human sa regular rounds nga adunay 6.0 nga puntos.

Nakalabaw si Enriquez sa tie-break points ug maoy niangkon sa first place samtang si Cabibil midakin-as sa ikaduhang pwesto.

Ang nasulod sa Top 10 mao sila Eden Diano, Dr. Leo Lofranco, Eladio Lim III, Rosendo Yamyamin, Rey Flores, Jasper Montejo, Sheila Sepanton ug Laila Nadera.

Human napakyas sa pag-angkon sa titulo sa All-Cepcans, mibawos ang miyembro sa Ateneo de Manila University women’s chess team nga si Laila Nadera sa Cepca B/Ladies division blitz competition.

Nimugna og 32 puntos si Nadera aron kuhaon ang titulo.

Si Eladio Lim III (29) maoy nikuha sa ikaduhang dapit samtang nagsunod sila si Fiona Guireme (28), Stephen Rosales (27) ug Michael Ventulan (21).

Sa Prexy Jerry Arena nga torneyo nga gi-sponsoran ni Cepca president Engr. Jerry Maratas, midaog si Lim III batok kang Kristine Lavandero pinaagi sa superior tie break output.

Si Norman Martin Olayvar, Laila Nadera, ug Fil Kapuno III mikompleto sa Top 5.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph