DIHANG nagsugod ang lockdowns batok sa Covid-19, ang mamanahi nga si Alejandro Cati-an ug si Amalia Enjaynes nawad-an sa ilang panginabuhian human ilang tanang kustomer nawala ug wala na usab silay matahi.
Nakita nga kahimtang sa Cebu Jaycees. Ang mga miyembro sa Junior Chamber International (JCI) Cebu nakahunahuna sa pagtahi og protective clothing ug face masks alang sa frontliners.
“It is important that when doing community projects in the time of pandemic, we never give up in guiding and collaborating with our local communities, our local SMEs,” matod ni JCI Cebu vice president Clent Medina.
“For them to also see the light of hope in this trying time,” dugang niya.
Uban sa JCI project “Delivering HoPPE,” matod nila ni Enjaynes ug Cati-an nakatahi og 300 PPE suits ug 350 face masks alang sa medical ug non-medical frontliners.
Ang maong proyekto nagpadayon karon.
Ang JCI Cebu nidonar sa bag-ong produkto sa mananahi ngadto sa mga ospital sa Cebu City ngadto sa Bogo City.
Uban niini gihatag sa Bayanihan Center Cebu.
Ang non-government organization nakig-alayon sa upat ka laing pandemic-related community projects sa Cebu: Baon Paglaum, diin naahatag og 6,550 packed meals sa frontliners; Paglaum sa Piniriso, diin nakahatag og dili mominos 750 hygiene kits sa Cebu City Jail inmates; HopeTV Live, usa ka online mental health awareness campaign; ug Tinabangay ta Bai / Para sa Mga LSI, diin nihatag og dili momunos 1,000 free breakfast meals matag adlaw sa locally stranded individuals sa Cebu City Pier 1.
“The dedication, perseverance, and selflessness of our members help us overcome the challenges during the pandemic. It is our way of giving back to the community, frontliners, and less fortunate brothers and sisters because we still consider ourselves blessed despite this pandemic,” matod ni JJCI President Marc Uykingtian.
Ang sunodsunod nga mga proyekto sa JCI Cebu gisuportahan sa Philippine Coast Guard Aux. 209th Squadron, BIG Hotel, Cebu Glass Aluminum Palace Inc., Guardian Aces Security Agency Inc., Krumble Inc., What’s on Your Mind Designs ug ubang individual donors ug sponsors. (PR)