SUPERBALITA CAGAYAN DE ORO

11 ka mga bag-ong kaso sa Covid-19 natala sa Cagayan de Oro

CAGAYAN DE ORO. Matud ni City Health Office Epidemiologist Dr. Joselito Retuya, ang Cagayan de Oro nakatala og lima ka mga lokal nga mga kaso sa Covid-19, unom niini mga local cases, upat ka mga locally stranded individuals ug usa ka Authorized Person Outside Residence. (Hulagway gikan sa City Information Office)

NAKATALA og lima ka mga lokal nga mga kaso sa coronavirus disease (Covid-19) ang Cagayan de Oro, unom niini mga local cases, upat ka mga locally stranded individuals (LSIs) ug usa ka Authorized Person Outside Residence (Apor).

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 302.

Matud ni City Health Office Epidemiologist Dr. Joselito Retuya, ang tanang mga bag-ong LSIs nga mga kaso gidala sa city isolation unit pag-abot nila sa dakbayan.

Ang ika-292 nga kaso usa ka 28 anyos nga babaye nga LSI ug residente sa Barangay Tumpagon. Miabot siya sa Cagayan de Oro pinaagi sa eroplano Agosto 24.

Ang babaye gi-swab Agosto 29 ug ang resulta migawas nga positibo sa Agosto 31. Siya asymptomatic ug wala’y comorbidity.

Nailhan sa City Health Office ang usa ka close contact sa babaye.

Ang ika-293 nga kaso usa ka 25 anyos nga babaye nga LSI ug residente sa Barangay Tumpagon. Miabot siya sa Cagayan de Oro pinaagi sa eroplano Agosto 24 ug gi-swab Agosto 29.

Ang resulta migawas nga positibo sa Agosto 31. Ang babaye gitakdang ibalhin sa Temporary Treatment and Monitoring Facility.

Ang ika-294 nga kaso usa ka 39 anyos nga lalaki nga LSI ug residente sa Barangay Iponan. Miabot siya sa Cagayan de Oro pinaagi sa eroplano Agosto 23 ug gi-swab Agosto 28. Ang resulta migawas nga positibo sa Agosto 31.

Ang lalaki asymptomatic ug wala'y comorbidity. Nailhan sa City Health Office ang iyang usa ka close contact.

Ang ika-195 nga kaso usa ka 28 anyos nga lalaki nga LSI ug residente sa Barangay Balulang. Miabot siya sa Cagayan de Oro pinaagi sa eroplano Agosto 23.

Ang lalaki gi-swab Agosto 28 ug ang resulta migawas nga positibo sa Agosto 31. Siya usa ka asymptomatic ug wala’y comorbidity.

Ang ika-196 nga kaso usa ka 26 anyos nga lalaki nga lokal nga Apor nga nagpuyo sa Barangay Lumbia. Matud ni Retuya, ang lalaki gikan sa Cebu.

Karon siya gi-isolate sa usa ka institusyon sa Lumbia. Nireklamo siya nga adunay tonsillitis sa katapusang semana sa Agosto ug gitambalan.

Ang lalaki ang close contact sa ika-253 nga kaso kinsa ang 28 anyos nga lalaki nga lokal nga Apor ug residente sa usa ka subdivision sa Barangay Lumbia.

Ang 26 anyos nga lalaki gi-swab Agosto 29 ug ang resulta migawas nga positibo sa Agosto 31.

Ang ika-297 nga kaso usa ka 31 anyos nga lalaki nga residente sa Barangay Kauswagan. Siya ang bana ug usa sa direct contact sa ika-270 nga kaso, kinsa ang 31 anyos nga babaye nga residente sa NHA, Barangay Kauswagan.

Ang lalaki gi-swab Agosto 29 ug ang resulta migawas nga positibo sa Agosto 31. Siya usa ka asymptomatic ug wala’y comorbidity. Karon siya naa sa Temporary Treatment and Monitoring Facility.

Ang ika-298 nga kaso usa ka one-year-old nga babaye nga residente sa Barangay Kauswagan. Anak siya sa ika-270 ug ika-297 nga kaso.

Ang batang babaye gi-swab Agosto 29 ug ang resulta migawas nga positibo sa Agosto 31. Karon siya naa sa Temporary Treatment and Monitoring Facility.

Ang ika-299 nga kaso usa ka 70 anyos nga lalaki nga residente sa Barangay Kauswagan. Siya ang amahan ug usa sa direct contact sa ika-270 nga kaso. Siya asymptomatic.

Ang lalaki naila nga hypertensive ug naay maintenance medication. Karon siya naa sa Temporary Treatment and Monitoring Facility.

Ang ika-300 nga kaso usa ka 16 anyos nga babaye nga residente sa Barangay Gusa. Usa siya ka close family contact sa ika-248 nga kaso, kinsa ang 28 anyos nga lalaki nga residente sa Barangay Gusa.

Ang dalaga gi-swab sa Agosto 29 ug ang resulta migawas nga positibo sa Agosto 31. Siya usa ka asymptomatic ug wala’y comorbidity.

Ang ika-301 nga kaso usa ka 21 anyos nga lalaki nga residente sa Barangay Gusa ug igsoon sa ika-248 nga kaso. Gi-swab siya Agosto 29 ug ang resulta migawas nga positibo sa Agosto 31.

Ang lalaki asymptomatic ug wala'y comorbidity.

Ang ika-302 nga kaso usa ka 27 anyos nga babaye nga residente sa Barangay Gusa. Siya ang common-law partner sa ika-248 nga kaso.

Ang babaye gi-swab Agosto 29 ug ang resulta migawas nga positibo sa Agosto 31. Siya asymptomatic ug wala’y comorbidity.

Matud ni Acting City Health Officer Dr. Lorraine Nery, ang Cagayan de Oro nakatala og 87 ka mga active cases, diin unom niini gi-admit sa Northern Mindanao Medical Center, 29 ang mga outpatients, ug 52 ang mga ROFs/LSIs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph