KON gusto mo nga magpadayon ta nga nga ang modified general community quarantine (MGCQ), mosunod kita sa health protocol sa Cebu City.
Dakog bintaha ang kategoriya sa MGCQ kay padung naman ta sa new normal nga mga kalihukan.
Halos tanang kompaniya makabalik na sa ilang trabaho human sa unom ka buwan nga pag-antos.
Ang problema dunay mga kompaniya katunga lang una sa mga trabahante ang gipabalik sa trabaho.
Samtang, luoy ang ubang trabahante kay dili pa mag- open tungod sa dakong alkanse.
Akong nabantayan sa unang adlaw sa Septembre, ang MCQG estriktong gipatuman ang mga nagdumala sa checkpoints.
Ang dunay trabaho ID sa kompaniya o certification of employment ug way trabaho magpuyo lang sa balay Kay di puwede ang maglaag-laag.
Asa na si OK?
Atong paabuton kon makadayeg ba ang kampo ni kanhi Cebu City mayor Tomas Osmeña niining pagbutang sa Cebu City sa MGCQ.
Grabi man ang ilang pagpanaway kaniadto ni Mayor Edgardo Labella sa dihang gipaubos ang siyudad sa ECQ.
Matod pa sa taga OK ug OK-OK command responsibility lagi kuno ni Labella ug maoy manubag sa mga bulilyaso.
MGCQ na ang siyudad, asa naman ang mga “OK-OK.” Ato silang pakpakan kon makadayeg ba sila ni Labella.
Ang Inter Agency Task Force (IAT)F saludo sa pagpaningkamot sa administrasyon ni Labella batok sa Covid-19.
Frontliners
Gipahinungod ni Boljoon Mayor Merlou Derama ang iyang ika-53 nga adlawng natawhan ngadto sa mga frontliner.
Ang frotnliners sa Boljoon nagmalampuson kauban sa mayor sa ilang kampanya batok sa Covid-19.
Si Derama mipahibawo usab sa iyang kalampusan pagpatuman ug mga programa sama pagpasemento sa mga karsada sa kabukiran ug daghan pa.
Email: efrenlonzon71@gmail.com / Text: 09235562777