DEAR Noy Kulas,
Tawaga ko sa ngan nga Mon, single mom. Akong problema kay parte sa akong brother-in-law.
Taudtaud na kong nagduda ani niya nga naay laing karelasyon nga babaye, but maayo lang kaayo motago. Maora og di makabuak og baso kay medyo kunohay hilumon. But nagduda na ko niya kay dunay nakasulti nako nga nakit-an siya nga dunay kuyog nga babaye sa Manila nga kuno ni attend siya og annual meeting.
Karon lang bag-o, akong nasakpan nga duna siyay ka chat nga babaye but ako lang nakit-an nga aksidente kay natagak ang iyang phone ug akong napunitan. Nag I love you siya sa babaye but nagpa patay mali ra ko nga wa makakita.
Gusto na unta ko mosulti sa akong igsuon apan na worried ko nga basin magubot sila ug maangin ang akong mga pag-umangkon., Unsa kahay maayong options nako, Noy Kulas?
MONDAY
Mon,
Pakigsultihi ang imong bayaw ug sultihi siya sa imong mga nahibaw-an aron mahigmata siya nga wa diay mahikatulog ang inyong pamilya, nga duna diay nasayod sa iyang tinagoan. Badlunga siya sa iyang pakigrelasyon nianang laing babaye sa iyang kinabuhi. Kon di siya moundang, diha nang higayuna sultihan mo ang imong igsuon kalabot sa imong nahibaw-an sa imong brother-in-law. Siya lang ang sultihi, ayaw ang the rest sa inyong pamilya aron ma-resolve nilang duha ang sitwasyon. Basin baya sab dunay problema sa ilang relasyon nga wa ka lang makahibawo hinungdan nga ingon niana ang dagan sa hitabo sa ilang kaminyuon. Iparesolbar nila kon unsa man ang isyu tali kanilang duha.
Pasagdahi una sila sa pagsulbad sa problema kay ilaha man kining duha. Diha na mo mosulod kon ma threaten na ang ilang pagpuyo, sama sa posibleng break up. Kon wa ang problema sa imong igsuon, then there must be something sa imong brother-in-law o nahitabo sa iyang kinabuhi nga bisan tingali siya mismo, maglisod sa pagsabot.
Lastly, pag-ampo nga masulbad kining mao nga problema nga di maungkag ang ilang pagpuyo.
NOY KULAS
kulassuper@sunstar.com.ph ug rojval69@yahoo.com