SUPERBALITA CEBU

Lapad nga lahugay sa PNP gipaabot

KOMBATE: Ang bag-ong pangulo sa Philippine National Police, Police Lieutenant General Camilo Cascolan, niingon nga ang kampanya batok sa coronavirus disease ug illegal drugs ang iyang prayoridad ubos sa pagpangulo sa kapulisan sa nasod. (gikan sa FB page ni PNP Chief Cascolan)

HALAPAD nga lahugay sa tibuok organisasyon sa Philippine National Police (PNP) posibling mahitabo sa mosunod nga mga adlaw human nga aduna nay napilian si Presidente Rodrigo Duterte nga mangulo sa kapulisan sa nasod.

Si Police Lieutenant General Camilo Cascolan maoy gitudlo ni Duterte nga mohulip kang PNP Chief Police General Archie Francisco Gamboa nga moretiro na.

Tungod niini, gituohan ni Police Brigadier General Albert Ignatius Ferro, hepe sa Police Regional Office (PRO 7), nga adunay mahitabong halapad nga lahugay sa tanang police regional offices.

Apan matod ni Ferro nga di lang niya unhan ang hukom ni Cascolan sanglit mopatawag pa kinig meeting sa tanang regional directors sa nasud alang sa iyang mga plano ug mga kamandoan nga ipasupot kanila.

“I would not like to preempt the prerogative or movement of the PNP chief. So, there might be a revamp. So, we’ll just wait for his orders and I think after the turnover, we will have a Zoom conference for all the regional directors and other members of the command group of the national headquarters of the PMP,” matod ni Ferro.

Si Cascolan ang ikaupat nga nahimong PNP chief nga sakop sa Philippine Military Academy Sinagtala Class of 1986 nga gihulagway ni Ferro nga utokan nga police official.

Sama sa iyang mga classmate nga nahimong PNP chief, lapad kini og plano sa kapulisan pinaagi sa mga programa nga iyang gipatuman diin siya ang utok sa PNP Double Barrel nga maoy gihulip kaniadto sa Oplan Tokhang ni kanhi PNP chief, karon Senador Ronald Bato dela Rosa.

COVID, DRUGS

Si Cascolan, sa iyang bahin, niingon nga iyang ipadayon ang pagtubag sa coronavirus disease 2019 (Covid-19) pandemic samtang gi-targte ang high value individuals ug hiwi nga mga pulis sud sa iyang mubo nga panahon.

Si Cascolan moretiro karong Nobiyembre 10, 2020.

“Obviously, ang ating problema pa po ay pandemya, Covid-19. Atin pong tututukan bilang ako ang chairman ng ASCOTF committee and we will continue to enhance and develop initiatives for us to be able to decrease Covid-19 (cases),” matod ni Cascolan sa usa ka interview nga gisibya sa telebisyon sa Miyerkules, Septiyembre 2, 2020.

Sila si Cascolan, Gamboa, de la Rosa ug kanhi PNP chief Oscar Albayalde mga miyembro sa Philippine Military Academy (PMA) Sinagtala Class of 1986.

“Continuing lang po ang aking serbisyo sa bayan. I have a short term, I also have long term plans but basically I would just want to continue the service I have given this country ever since I was appointed as an officer,” matod ni Cascolan.

“Ako po ay masaya na magseserbisyo kahit dalawang buwan lang po. Protection, serbisyo, yan po ang kailangan at through the PNP ang akin lang po ay magbigay ng transition or I will pave the way for a better PNP maybe and be able to hoping that I would be able to improve all the services for this country,” dugang niya.

Si Cascolan nakaserbisyo sa Davao Regional Police Office diin siya nakaestablisar og kalambigitan tali kang Duterte ug dugay nang aide, karon Senador Christopher Lawrence Go.

Matod ni Cascolan nga iyang paneguruon nga ang anti-drug operations magpunting lang sa high value targets ubos sa iyang liderato.

“This will be the focus of the anti-drug campaign. Of course it will be evaluated and still be reevaluated from time to time. We will try to enhance our anti-drug war so that we would be able to arrest more high-value individuals,” siya nidugang.

Iya usab nga unahon ang pagpuhag sa hiwi nga mga pulis nga idungan sa kampanya batok sa illegal drugs.

Si Cascolan moduaw usab og kampo sa kapulisan aron pagsusi sa ilang morale ug kaayuhan ingon man pakisayran ug hatagan og kasulbaran ang daghang mga isyu.

Iya usab nga pahugtan ang marshals sa mga pampublikong sakyanan ug terminals aron pagseguro nga masunod ang health protocols. (AYB, SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph