ANG lungsod sa Cordova miduyog sa kagamhanan sa lalawigan sa Sugbo sa pagbuhi og balik sa turismo sa maong lungsod human sa pipila ka buwan nga pagtak-op niini resulta sa nasinateng pandemiya.
Katuyoan niini, mao nga mabalik ang ekonomiya ilabi na niadtong mga nagsalig sa tourism industry sa Cordova, apan gipaneguro sa kagamhanan nga padayon nga mapanalipdan ang matag konstituente nga malikay sa makatakod nga coronavirus disease (Covid-19).
Base sa giluwatan nga Tourism Recovery Plan sa Cordova nga limitado ug hugot nga gikontrolar sa Cordova Tourism Office ang nagkadaiyang kalihokan kabahin sa turismo agig pagtamod sa Executive Order 20-A nga giluwatan ni Cebu Governor Gwendolyn Garcia.
Niadtong Agosto 30, 2020 sila si Cordova Mayor Teche Sitoy-Cho ug Gob. Garcia nagkahiusa sa pagbukas sa turismo sa maong lungsod nga gipahigayon sa Ro-ro Port Terminal.
“We need to resuscitate our tourism to keep our economy moving.
“Challenges may arise in opening this activity because of the existence of pandemic but this does not hinder to let Cordovanhon’s livelihood be alive again most especially to our local economic drivers like boat operators, boat men, tour guides, local souvenir and shop vendors, drivers - motorcab and trisikad and others,” matod pa sa mayor atol sa launching.
Gawas nga malingaw ang mga turista sa ilang pagsuroy-suroy sa Cordova dako sab sila og matampo sa panginabuhian niadtong mga sektor nga nagsalig sa turismo sama sa boat operators, boat men, tour guides, manindahay og souvenir items, motorcab ug trisikad drayber ug uban pa.
Mipasalig ang lungsod nga pabiling ipatuman ang health protocol aron dili makakatap ang Covid-19.
Ang buhatan sa Tourism nagmugna og duha ka tour packages alang niadtong buot mag-island hopping gitawag og “Dance with the Marine Life” ug ang bag-ong atraksiyon nga Bakhawan Paradise nga gi-ila nga “Sing with the Mangroves.”
TOUR PACKAGES
Package 1 – Dance with the Marine Life
• ROUTE:
- Mopa-ubos sa orientation sa Municipal Museum
- Ang mga turista ihatod ngadto sa Ro-ro port pinaagi sa accredited ug nakadestino nga motorcads
- Alegria Marine Sanctuary
- Gilutungan Marine Sanctuary o
a. Snorkeling
b. Marine watching at the yellow submarine (way labot sa rate)
- Nalusuan Marine Sanctuary
- Kuhaon og balik sa grupo og ihatod sa Municipal Hall
• RATE: Php 650.00 (wa pay labot sa abangan sa sakayan/pumpboat ug yellow submarine) naglakip sa:
- Pagkaon Php 150
- Souvenir 150
- Motor/trisi cad 60
- Envi fee 90
LGU 50
Alegria 20
Gilutungan 20
- Sanctuary entrance 200
(sa duha lang ka sanctuaries)
• PRIVATE BOAT RENTALS: (way labot sa package)
- Gamay nga sakayan A (1-3 pax) Php 3,200
- Gamay nga sakayan B (1-6 pax) 4,200
- Medium (1-10 pax) 6,000
- Large (1-15 pax) 6,500
PACKAGE 2 – Sing with the Mangroves
• ROUTE:
- Mopa-ubos sa orientation sa Municipal Museum
- Ihatod ang grupo/turista sa ngadto sa Tourism Center sa Day-as o Bantayan pinaagi sa accredited nga motorcad/trisikad;
- Paingon sa Bird sanctuary
- Bakhaw Paradise (alang sa paniudto) ug pagpangaligo
- Swimming o mamugsay sa Catarman Mangrove Park
• RATE: Php 890 naglakip sa:
- Food Php 150
- Souvenir 150
- Boat rental 300
- Motor/trisi cad 60
- Rowboat rental 100
- Envi fee 130
a. LGU 50
b. Day-as 20
c. Buagsong 20
d. Catarman 20
e. Bakhaw entrance 20
BOOKINGS
Sa mga interesado nga mosuway sa maong tour packages mamahimong moduaw sa centralized booking portal nga gidumala sa Kapitolyo ang Cebu Province ang Cebu Province Tourism portal ingon man ang online payment.
Sa mga walk-in clients modiretso lang sa Cordova Tourism Office.
“Cordova tourism is now open, so book now and lend us a hand,” agni ni Mayor Sitoy-Cho.