Dili ikalimod nga mas batan-on tan-awon ang mga Pinoy ikumparar sa ubang nasyunalidad. Ang sekreto, matod ni Dr. Willie Ong, naa sa klase sa pagkaon nga gisulod sa lawas ug naandang kina-iya.
Aron mas baby face, angay likayan ang kanunay nga pagkaon og karne imbes preskong utanon ug lagutmon. Unya mahimong hulipan kini og isda ka 3 sa 1 kada semana kay kini taas og Omega-3 fats nga makapaayo sa hubaghubag sa lawas ug kaugatan.
Ika-2, ang pagsige og lingkod ug pundo. Mao kini makaingon sa sagad sa sakitsakit sa kasingkasing, cancer, pagtaas sa pressure sa dugo, cholesterol ug sugar. Angay maggahin og oras para sa pag-ehersisyo para mamaayo ang sirkulasyon sa dugo.
Ika-3, minusan ang pagkaon og mga tam-is sama sa candy, chocolates , sweets kay kini makapasaka sab sa kamay sa dugo nga maoy makaingon sa sakit nga diabetes, pagpanambok og bugasbugas sa nawong.
Ika-4, minusan ang mga pagkaong puti og kolor sama sa kan-on, pan, pizza, o pasta kay kini daghan og carbohydrates.
Ika-5, insaktong oras sa katulog. Ang sulundong oras sa katulog 7-8 ka oras kada adlaw. Kung kanunay kuwang sa katulog, mopasaka kini sa timbang, mopadako sa kaon, og makapa nerbiyos.
Ika-,6 palayo sa stress. Seguradong makapadaghan kini sa kunot-kunot sa nawong og makapa-uga sa panit.
Ika-,7 ayaw pagsige og inonm og ilimnong makahubog kay kini makadaot sa atay, makapauga sa panit, og ataki sa brain cells.
Ika-8, minusan ang pagkaon og pinirito sama sa fried chicken, fried rice, French fries kay taas kini og fats nga makapahubag.
Ika-9, minusi ang processed meats: hotdog, ham, bacon, sausage kay taas kini og nitrates nga makapagdaghan sa cancer.
Ika-10, ayaw pagkaon og sunog sama sa barbecue kay duna kini carcinogenic nga kemikal nga maoy makahimo og cancer.
Ika-11, minusi ang pagkaon og mga chichiria ug frozen foods unya limitahi ang pag-init sa pagkaon gamit ang microwave.
Katapusan, likayi ang pagpanigarilyo kay kini maka-lung cancer, kunot ug uga sa panit, ug baho sa baba.