SUPERBALITA CAGAYAN DE ORO

Cagayan de Oro nakatala og 17 ka mga bag-ong kaso sa Covid-19

CAGAYAN DE ORO. Matud ni City Health Office Epidemiologist nga si Dr. Joselito Retuya, nakatala ang Cagayan de Oro og 17 ka mga bag-ong kumpirmadong kaso sa Covid-19 sa Cagayan de Oro. (Photo by City Information Office)

NAKATALA og 17 ka mga bag-ong kaso sa coronavirus disease (Covid-19) ang Cagayan de Oro, 10 niini mga lokal nga kaso, upat ang mga locally stranded individuals (LSIs), duha ka mga returning overseas Filipino workers (ROFs), ug usa ka lokal nga Authorized Person Outside Residence (Apor).

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 331.

Matud ni Acting City Health Officer Dr. Lorraine Nery, sa 10 ka mga lokal nga kaso, siyam niini ang mga close contacts sa duha ka mga pasyenteng nagpositibo sa coronavirus.

Sumala ni City Health Office Epidemiologist nga si Dr. Joselito Retuya, tanan nga mga bag-ong kaso nga LSIs ug ROFs gidala dayon sa city isolation unit pag-abot nila sa dakbayan.

Ang ika-315 nga kaso usa ka 28 anyos nga lalaki nga Apor gikan sa Cebu.

Matud ni Retuya, gipaubos siya sa usa ka rapid diagnostic test sa Cebu.

Miabot ang pasyente sa Cagayan de Oro pinaagi sa eroplano Agosto 26.

Ang lalaki gi-swab Agosto 31 ug ang resulta migawas nga positibo sa Setyembre 3. Siya asymptomatic ug wala’y comorbidity.

Karon naa siya sa city isolation unit ug gikatakdang ibalhin sa Temporary Treatment and Monitoring Facility.

Ang ika-316 nga kaso usa ka 11 anyos nga lalaki nga LSI gikan sa Davao ug residente sa Barangay Bugo. Mibiyahe siya padulong sa Cagayan de Oro sakay sa usa ka van.

Ang lalaki gi-swab Agosto 31 ug ang resulta migawas nga positibo sa Setyembre 3. Siya asymptomatic ug wala’y comorbidity. Gikatakda nga ibalhin siya sa Temporary Treatment and Monitoring Facility.

Matud ni Retuya nga ang quarantine period sa 12 ka mga cohorts sa lalaki gi-extend.

Ang ika-317 nga kaso usa ka 20 anyos nga babaye nga LSI gikan sa Makati ug residente sa Barangay Gusa. Miagi siya sa usa ka rapid diagnostic test sa Makati kaniadtong Hulyo 27 ug ang resulta negatibo.

Ang babaye miabot sa Cagayan de Oro pinaagi sa pagbiyahe sa dagat Agosto 27. Gi-swab siya Agosto 31 ug ang resulta migawas nga positibo sa Setyembre 3. Siya asymptomatic ug wala’y comorbidity.

Ang ika-318 nga kaso usa ka 52 anyos nga lalaki nga LSI gikan sa Las Piñas ug residente sa Barangay Patag. Miabot siya sa Cagayan de Oro pinaagi sa eroplano sa Agosto 27.

Ang lalaki gi-swab Setyembre 1 ug ang resulta migawas nga positibo sa Setyembre 3. Siya asymptomatic ug adunay hypertension. Gikatakda nga ibalhin siya sa Temporary Treatment and Monitoring Facility.

Ang ika-319 nga kaso usa ka 12 anyos nga lalaki nga LSI gikan sa Manila ug residente sa Barangay Carmen. Miabot siya sa Cagayan de Oro pinaagi sa pagbiyahe sa dagat sa Agosto 26.

Ang lalaki gi-swab Setyembre 1 ug ang resulta migawas nga positibo sa Setyembre 3. Gikatakda siyang ibalhin sa Temporary Treatment and Monitoring Facility.

Ang ika-320 nga kaso usa ka 29 anyos nga lalaki nga ROF gikan sa Jamaica ug residente sa Barangay Bugo. Matud ni Retuya, ang lalaki mibiyahe gikan sa Jamaica hangtod sa Estados Unidos dayon sa Clark International Airport.

Gi-swab siya sa Clark International Airport pag-abot niya ug ang resulta migawas nga negatibo sa Agosto 24.

Ang lalaki miabot sa Cagayan de Oro pinaagi sa eroplano sa Agosto 27. Gi-swab siya Setyembre 1 ug ang resulta migawas nga positibo sa Setyembre 3

Siya asymptomatic ug wala'y comorbidity. Gikatakda nga ibalhin siya sa Temporary Treatment and Monitoring Facility.

Ang ika-321 nga kaso usa ka 34 anyos nga lalaki nga ROF gikan sa Middle East ug residente sa Barangay Kauswagan. Miabot siya sa NAIA Agosto 17 diin siya gi-swab ug negatibo ang resulta.

Matud ni Retuya, ang lalaki nagpabilin sa usa ka hotel sa Manila samtang naghulat sa resulta sa walo ka adlaw, gikan Agosto 17 hangtod 25. Miabot siya sa Cagayan de Oro pinaagi sa eroplano sa Agosto 26.

Gi-swab siya sa Setyembre 1 ug ang resulta migawas nga positibo sa Setyembre 3. Siya asymptomatic ug wala’y comorbidity. Gikatakda nga ibalhin siya sa Temporary Treatment and Monitoring Facility.

Ang ika-322 nga kaso usa ka 27 anyos nga babaye nga lokal nga Apor nga nagpuyo sa Macanhan, Barangay Carmen. Usa siya sa mga close contacts sa ika-281 nga kaso, ang 60-anyos nga babaye nga taga-Macanhan, Barangay Carmen.

Matud ni Retuya, ang 27 anyos nga babaye naay simtomas Agosto 24 ug miadto sa usa ka pribadong ospital para magpakonsulta sa 60 anyos nga babaye sa Agosto 25.

Nagpabilin siya sa city isolation unit human nga ang resulta sa swab test sa ika-281 nga kaso migawas nga positibo sa Agosto 28. Kauban sa 27 anyos nga babaye ang iyang bana ug anak nga babaye.

Ang babaye gi-swab Agosto 31 ug migawas nga positibo ang resulta sa Setyembre 3. Gikatakda nga ibalhin siya sa Temporary Treatment and Monitoring Facility.

Ang ika-323 nga kaso usa ka 10 ka bulan nga anak nga babaye sa ika-322 nga kaso ug usa sa mga close contacts sa ika-281 nga kaso. Gikatakda nga ibalhin siya sa Temporary Treatment and Monitoring Facility.

Ang ika-324 nga kaso usa ka 28 anyos nga babaye nga residente sa Barangay Gusa. Anak siya sa ika-275 nga kaso, ang 47 anyos nga babaye nga vegetable vendor nga taga-Barangay Gusa.

Matud ni Retuya, ang katapusang adlaw sa iyang exposure sa ika-275 nga kaso Agosto 24. Nagpabilin siya sa city isolation unit Agosto 29 ug gi-swab Agosto 31. Ang resulta migawas nga positibo sa Setyembre 3.

Ang babaye asymptomatic ug wala'y comorbidity. Gikatakda nga ibalhin siya sa Temporary Treatment and Monitoring Facility.

Ang ika-325 nga kaso usa ka 28 anyos nga lalaki nga residente sa Barangay Gusa. Siya ang bana sa ika-324 nga kaso ug usa sa mga close contacts sa ika-275 nga kaso.

Ang katapusang adlaw sa exposure niya sa ika-275 nga kaso Agosto 24. Gi-swab ang lalaki Agosto 31 ug ang resulta migawas nga positibo sa Setyembre 3. Gikatakda siyang ibalhin sa Temporary Treatment and Monitoring Facility.

Ang ika-326 nga kaso usa ka 26 anyos nga lalaki nga residente sa Barangay Gusa. Anak siya sa ika-275 nga kaso. Ang iyang katapusang adlaw nga exposure sa ika-275 nga kaso Agosto 24.

Ang lalaki nagpabilin sa city isolation unit Agosto 29 ug gi-swab Agosto 31. Ang resulta migawas nga positibo sa Setyembre 3.

Siya adunay ubo ug gitambalan. Adunay usab siya problema sa baga.

Ang ika-327 nga kaso usa ka 17 anyos nga babaye nga residente sa Barangay Gusa. Anak siya sa ika-275 nga kaso. Ang iyang katapusang adlaw sa exposure Agosto 24 ug nagpabilin siya sa city isolation unit Agosto 29.

Ang dalaga gi-swab Agosto 31 ug ang resulta migawas nga positibo sa Setyembre 3.

Ang ika-328 nga kaso usa ka 31 anyos nga babaye nga taga-Barangay Gusa. Siya ang ig-agaw sa ika-275 nga kaso nga mikuyog sa 47 anyos nga babaye sa pribadong ospital alang magpakonsulta Agosto 24.

Ang babaye nagpabilin sa city isolation unit Agosto 29. Gi-swab siya Agosto 31 ug ang resulta migawas nga positibo sa Setyembre 3.

Siya asymptomatic ug wala'y comorbidity. Gikatakda nga ibalhin siya sa Temporary Treatment and Monitoring Facility.

Ang ika-329 nga kaso usa ka 16 anyos nga lalaki nga residente sa Barangay Gusa. Anak siya sa ika-275 nga kaso. Ang iyang katapusang adlaw sa exposure Agosto 24.

Ang batan-ong lalaki nagpabilin sa city isolation unit ug gi-swab siya Agosto 31. Ang resulta migawas nga positibo sa Setyembre 3. Siya asymptomatic ug wala’y comorbidity. Gikatakda nga ibalhin siya sa Temporary Treatment and Monitoring Facility.

Ang ika-330 nga kaso usa ka 23 anyos nga babaye nga residente sa Barangay Gusa. Usa siya sa 14 ka mga close contacts sa ika-275 nga kaso. Nagpabilin siya sa city isolation unit Agosto 29.

Ang babaye gi-swab Agosto 31 ug ang resulta migawas nga positibo sa Setyembre 3. Siya asymptomatic ug wala’y comorbidity.

Ang ika-331 nga kaso usa ka 46 anyos nga babaye nga lokal nga Apor nga nagpuyo sa Barangay 26. Matud ni Retuya, ang babaye usa ka opisyal sa maong barangay.

Nakasinati siya og loss of sense of smell and taste Agosto 29. Naa siyay sore throat Setyembre 1 ug nagpakonsulta sa Northern Mindanao Medical Center (NMMC). Setyembre 2, nakasinati og watery stool.

Ang babaye gi-swab Setyembre 2 ug ang resulta migawas nga positibo sa gabii sa mao nga adlaw. Naa siya karon sa Temporary Treatment and Monitoring Facility.

Nailhan sa City Health Office ang pito ka mga direct contacts, tulo ang gibalhin na sa city isolation unit human nagpakita sila og mga sintomas.

Ang Cagayan de Oro nakatala og 94 ka mga active cases, diin ang duha gi-admit sa NMMC, 41 ang outpatients ug 51 ang mga ROFs/LSIs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!