LIBOAN ka mga miyembro sa national team ang makabenepisyo na og 20 porsiyento nga diskuwento sa mga palaliton nga gihatag kanila sa national government subay sa Republic Act 10699 o National Athletes and Coaches Benefits and Incentives Act.
Hapit na makompleto sa Philippine Sports Commission (PSC) ang paghatag sa tanang ID Booklet sa national athletes.
Usa sa mga nakadawat na mao ang Sugbuanong marathoner nga si Mary Joy Tabal.
Ang lumad nga taga Brgy. Guba,Cebu City miingon nga kini nga lakang nagpasabot lamang nga ang sama niya nga national athlete wala pasagdi ug giatiman sa atong national government.
“Validity niya is August, so magamit na ni nako,” sigon ni Tabal sa Superbalita, nga midugang nga una niyang gamit sa ID Booklet kay para sa pagpalit sa iyang vitamins ug supplements.
“It’s a great gesture from the government and the sectors that would acknowledge our privilege. This just means that we athletes are cared and not forgotten. We felt our efforts, blood and sweat that we poured into our activities and trainings are not wasted,” sigon sa Rio Olympian.
Ang maong ID ug booklet sa national athletes magamit sab sa transportation fares, hotel, similar lodging accommodation, restaurant, sports facilities, ug movie theaters.
“By this, it would remind us to continue to train hard despite our current situation. I look forward to a more supportive government so that the young generation will value the importance of healthy lifestyle and competitive community,” dugang ni Tabal.
Si PSC chairman William Ramirez mitoo nga adunay positibong epekto kini sa national athletes ug coaches, labi na sa karon nga panahon diin adunay hagit tungod sa pandemiya.
Si 2019 AIBA Women’s World Boxing Championships gold medalist ug Olympic hopeful Nesthy Petecio nakadawat nausab sa maong ID booklet.
“Thank you PSC! Unexpected delivery! May 20 percent discount na ako nito,” padayag ni Petecio.
Plano sa PSC nga mahatagan ang tanang national athletes ug coaches sulod niining buwana.
“We are doing our best to deliver everything within this month even though there are lockdowns due to the pandemic and the limited workforce. We are doing our best to comply with it as much as possible this 3rd week of September we should have sent the last batch,” pasabot ni Manuel Bitog, ang chief of assistance ug coordination division ug pangu sa PSC frontline personnel.
“Karamihan kasi ng mga inilagay ng atleta ay addresses nila nung nandito pa sila sa RMSC (Rizal Memorial Sports Complex) dormitory at saka sa Philsports dormitory. That’s why kinailangan naming kunin ‘yung updated addresses nila,” dugang ni Bitog.
Naa sa 300 ka ID Booklets ang ipadala sa PSC alang sa katapusang tapok sa national athletes ug coaches nga wala pa nakadawat.