Student-athletes dili pa angayang ibalik sa training

WALA mouyon ang basketball personalities sa Sugbo niining bag-ong lagda sa Inter-Ageny Task Force (IATF) for the Management of Emerging Infectious Diseases nga nagtugot sa student-athletes nga makabalik sa ilang training.

Ang student-athletes puwede na makabalik sa ilang training kon anaa sila sa lugar nga gipaubos na lang sa general community quarantine (GCQ) o modified GCQ.

Pero ang Southwestern University (SWU-Phinma) Cobras, reigning champion sa men’s basketball tournament sa Cebu Schools Athletic Foundation Inc. (Cesafi), mobalik lang sa ilang team practice kon tugotan na ang face-to-face classes, nga nagpasabot nga hingpit na nawala ang hulga sa coronavirus disease (Covid-19).

“It’s still a risk for players, mahirap pa rin. Our plan is we resume training pa’g allowed na ang face-to-face classes,” saysay ni Cobras headcoach Mike Reyes sa Superbalita.

“When I learned about the decision, na-excite ako. Pero nung naisip ko ganon pa rin naman, andiyan parin ang Covid-19,” sigon sa igsoon sa kanhi Gilas Pilipinas coach nga si Chot Reyes.

Susama pud ang sentimento ni Rico Navarro, beteranong basketball organiser ug athletic director sa Sacred Heart School-Ateneo de Cebu (SHS-AdC), ang reigning champion sa Cesafi juniors basketball tournament.

“The IATF resolution raises more questions than answers. Schools at the moment are not allowing face-to-face classes. I feel this should be the starting point before anything else. After all, they are all students first before athletes,” matod ni Navarro sa online nga interbiyu.

Siya miingon nga adunay laing paagi aron magpabiling aktibo ang mga atleta pinaagi sa managlahing workouts.

“The student-athletes can stay in shape through online practices and outdoor solo workouts like running, biking, and hiking. But we must also wait for whatever guidelines the CHED (Commission on Higher Education) will establish,” pasabot niya.

Gianunsiyo ni Presidential Spokesperson Harry Roque niadtong Septiyembre 7, 2020 ang Ched maoy mopagawas og guidelines alang sa resolusyon.

Ang Cesafi physician and consultant to the teams nga si Dr. Rhoel Dejano miingon nga lisod gyud kini kay daghang measures nga angay buhaton aron luwas sa Covid-19 ang practice venue.

“Personally, it’s is going against what the schools are doing right, which is online classes since face-to-face classes is not yet allowed,” sigon niya sa online programa nga Bleacher Talk Live.

“Is it a priority at this moment? Are we going to lose a lot of things if we don’t start our practices? These are the questions that they should be answering right now,” dugang niya.

Ang IATF una nang nitugot sa pag praktis sa individual sports sama sa running, cycling ug golf.

Gisundan kini sa pagtugot nila sa professional players sa basketball, football ug boxing.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph