SUPERBALITA CEBU

Lonzon: 2 ka Garcia nagsunod og kamatay

Mata sa agila

DILI lalim ug dili sayon ang nasugatang kasakit sa pamilya ni Cebu Gobernador Gwen Garcia.

Sud lang sa usa ka semana nagsunod ug kamatay iyang igsoon nga si kanhi Dumanjug mayor Nelson Garcia ug gisundan ni Mayor Marlon Garcia sa Barili.

Atong ipaabot ang pahasubo sa mga pagsuway nga nasugatan sa pamilyang Garcia.

LTFRB 7

Sa pagsuwat nako ning kolum, gihimong rason sa Land Transportation Franchising and Regulatory Board (LTFRB) di kadagan pagbalik ang mga PUJ sa Cebu City ug Mandaue.

Intawon, dili na maantos ang kagutom sa pamilya sa mga drayber sa public utility jeepneys ( PUJs).

Matod sa LTFRB dunay mga bus nga nagdagan sa duha ka mga dagkong siyudad.

Klaruha kuno LTFRB kon naserbisyuhan ba sa mga bus ang tanang rota.

Mismo si Cebu City Mayor Edgar Labella mipadayag ug kaluoy sa kahimtang sa mga drayber ug nagpabor sa pagbalik sa operasyon sa PUJ.

Nagduda lang ta aning pagpabor sa LTFRB sa operasyon sa buses. Naa koy nadunggan usa samga tag- iya niini nag-negusyo sab og rapid test kits.

HEALTH PROTOCOL

Atong awhagon ang tanang local government unit (LGU) sa padayong pagsunod sa health protocol.

Ang Philippine National Police ( PNP) padayong nagmonitor karon sa social media sa gipang-post sa matag individual o grupo sa mga kalihukan.

Sa tuyo nga himoan og aksyon ang violators sa health protocol sama sa pagtapok ug uban pa nga nakahimog kalapasan.

Matud sa mayor dugay na silang nagsunod SA mga lagda sa Department of Interior and Local Government (DILG). (efrenlonzon71@gmail.com Text: 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph