DAGHANG kilay ang mi-isa labi pa ang mga kritiko ug anti-Duterte niining paghatag og absolute pardon ni Presidente Rodrigo Duterte kang US Lance Corporal Joseph Scott Pemberton, usa ka US Marine, kinsa nakonbikto niadtong 2014 gumikan sa pagpatay ni Jennifer Laude, usa ka transgender sa Olongapo City. Nag-date sila si Pemberton ug Laude sa usa ka motel, dala ang pagtuo sa Amerikanong sundawo nga tinud-anay nga babaye si Laude. Apan transgender man diay maong nasuko si Pemberton, iya kining napatay.

Apil si Pemberton sa mga US servicemen nga mianhi dinhi sa nasud alang sa military exercise tali sa mga Pilipinong sundawo ubos sa Visiting Forces Agreement (VFA). Kining maong hitabo magsilbi usab nga leksiyon sa mga bayot nga dili mangilad sa ilang mga kustomer. Sulti mo daan nga dili mo tinud-nay o real nga babaye aron dili masuko ang inyong mga kustomer kon mag-wara-wara man mo diha.

Gisentensiyahan sa Olongapo City Court og 10 ka tuig nga pagkabilanggo si Pemberton ug didto lang kini mag-serbisyo sa iyang sentensiya sa Camp Aguinaldo detention cell ug wala madala sa National Bilibid Prison sa Muntinlupa. Morag gihatagan og special treatment kay Amerikano lagi.

Naka-serbisyo na si Pemberton og unom ka tuig apil na ang usa ka tuig samtang naka-pending pa ang kaso. Gihatagan kini og absolute pardon ni Presidente Duterte gumikan sa Good Conduct Time Allowance (GCTA) niini. Ang Presidente maoy nagbuot niini kay wala may rekomendasyon ang Bureau of Corrections ug ingon man ang Department of Justice.

Section 19, Article 7 (Executive Department) sa 1987 Constitution nagakanayon; ‘Except in cases of impeachment or as otherwise provided in this Constitution, the President may grant reprieves, commutations and pardons and remits fines and forfeitures, and conviction by final judgment. He shall have the power to grant amnesty with the concurrence of the majority of all members of the Congress.’

Unya mosupak mo ana nga political prerogative man na sa Presidente? (bobbygnalzaro@gmail.com)